HESEKIEL 7:2 - Ombibeli Iyapuki

² “Ndele oove, kaana komunhu, Omwene Kalunga ta lombwele oshilongo shaIsrael ngaha: Exulilo! Exulilo tali uya keembinga nhee doshilongo.

HESEKIEL 7:2 ပူးပေါင်းရင်းမြစ်များ

GENESIS 6:13

Ndele Kalunga okwa lombwela Noa: “Patokolo lange exulilo lombelela aishe ola fika. Osheshi vo ova yadifa edu noukolokoshi ndele tala, Ame ohandi ke va hanauna po pamwe nedu.

2 OMAFIMBO 34:7

okwa ngumaunifa po eealtari davo nomiti omalupwelele aAsera noihongwafano okwe i nyanyaula ya ninga oufila neengudi adishe detango domoshilongo shaIsrael, okwe di ka po. Opo nee ye a aluka e uya kuJerusalem.

JESAJA 47:7

ndele wa tya: Ame ohandi ka kala alushe omupangeli, nongaashi ino i lipulapula momutima woye, noino diladila exulilo loye.

JEREMIA 12:4

Oshilongo otashi kala fiyo onaini sha nyika oluhodi nomwiidi aushe womoixwa wa kukuta? Noinamwenyo needila otadi xulu po omolwowii woonakukalamo musho, osheshi ohava ti: Exulilo letu ye ite ke li mona.

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

JEREMIA 51:13

Woo oove, u li pomeva manene, oshipuna shomamona, exulilo loye ola fika. Okunyeka kwoye kwa xula po.

OMAIMBILOKEMO 1:9

Onyata yasho ya kanyatela kominghulo doshikutu shasho. Sha kala inashi dimbulukwa exulilo lasho nande, onghee sha hangika kenyonauko likumwifa. Sho shihe nomuhekeleki. Ota ti: “Omwene, tala oluhepo lange, osheshi omunaita naame ota fulalala.”

OMAIMBILOKEMO 4:18

Vo ova hondjaunina eenghwate detu, opo fye tuha shiive okweenda momapandavanda etu. Exulilo letu ole uya popepi, omafiku etu a wana, heeno, exulilo letu la fika.

HESEKIEL 11:13

Ndele fimbo ame nda xunganeka, Pelatja, omona waBenaja, okwa fya. Opo nee ame nda wila eombe ndele nda ingida pombada, ndele handi ti: “Akutu, Omwene Kalunga, Ove wa hala okumana po mbela oshixupe shaIsrael?”

HESEKIEL 12:22

“Kaana komunhu, etumbulosheko olilipipo nye mu li na moshilongo shaIsrael, eshi tamu ti: ‘Omafiku taa lepala nomamoniko aeshe taa ningi ongaho.’

HESEKIEL 21:2

“Kaana komunhu, taalelifa oshipala shoye kuJerusalem neendjovo doye di kolokifila eetembeli u xunganekele oshilongo shaIsrael,

HESEKIEL 21:25

“Ndele oove omunyatekwa, nomuhenakalunga, ohamba yaIsrael, efiku loye le uya, osheshi ouhapu woulunde wa fika pouyadi.

HESEKIEL 21:4

Ame eshi nda hala okumana mo mwoove, omuyuki nomuhenakalunga, onghee hano eongamukonda tali ka dja moshilaleko shalo ndele tali hange ombelela keshe okudja koumbuwanhu fiyo okoumbangalanhu.

HESEKIEL 21:7

Ndele vo ngeenge tave ku pula tava ti: Omolwashike ho keme? Opo u noku va nyamukula: molweenghundana, osheshi tadi uya. Nomutima keshe tau ka diluka, nomaoko aeshe taa ka ndebuka nomhepo yomunhu keshe tai ka tumhaukifa omaxwilili neengolo adishe tadi ka tyololoka tadi kala ngaashi omeva. Taleni, otali uya, otashi ka ningwa, Omwene Kalunga ta ti.”

HESEKIEL 35:5

Osheshi ove u nehandu laalushe nOvaisraeli we va efela eongamukonda mefimbo lomupya wavo, mefimbo olo oulunde wa fika kexulilo.

HESEKIEL 40:2

Memoniko laKalunga Ye okwa twala nge moshilongo shaIsrael, ndele okwa kaleka nge komhunda ile unene, ndele oko kwa li ngaashi oshilando sha tungwa langhele lwokoumbuwanhu.

HESEKIEL 7:1

Ondjovo yOmwene ye uya kwaame ndele tai ti:

HESEKIEL 7:3

Paife exulilo tali uya kombada yoye, ndele Ame ohandi ke ku tumina ehandu lange ndele handi ku tokola pakweenda kwoye, nohandi efa oixuna aishe i ku hange.

JOEL 1:15

Woo, efiku olo! Osheshi efiku lOmwene li li popepi, ndele tali uya ngaashi ehanauno hali di kOmunaenghono adishe.

AMOS 8:10

Oivilo yeni ohandi i lundululila moluhodi nomaimbilo eni aeshe omaimbilo oupongo, ndele Ame ohandi tula moiya aishe oshako nokomitwe adishe ongwala. Ndele ame ohandi shi ningi ngaashi okulilwa kwomona ewifa, ndele tashi ka xula ngaashi efiku lilula.

AMOS 8:2

Ndele Ye ta ti: “Amos ou wete shike?” Ndele ame nda nyamukula: “Oshimbale shi noiimati yopokulombo.” Opo nee Omwene okwa lombwela nge: “Exulilo loshiwana shange shaIsrael ola fika. Ame ihandi ke shi koya po vali.

MATEUS 24:6

Ndele tamu ka uda oita nomakundano oita; taleni, muha tulwe oumbada. Osheshi osho oshi nokuningwa, ndele exulilo inali fika manga.

DEUTERONOMION 32:20

Ndele Ye okwa tile: ‘Ame nda hala oku va holeka oshipala shange. Ame nda hala okutala exulilo lavo tali ka ninga la tya ngahelipi. Osheshi vo oludi la nyonauka shili, vo ovana muvo muhe na oudiinini.

1 PETRUS 4:7

Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila.

EHOLOLO 20:8

ndele ta piti mo ndele ta ka hongaula oiwana yokeembinga nhee dedu, Gog naMagog, e va shivile oita; ndele omuvalu wavo ou fike peheke lopefuta.

EHOLOLO 7:1

Ndelenee konima yoinima ei onda mona ovaengeli vane va kala ofika keembinga nhee dedu, ndele va li tava kangheke nokukwata eemhepo nhee dedu, opo paha pepe nande omhepo kombada yedu nokombada yefuta ile kombada nande oyomuti umwe.