HESEKIEL 17:9 - Ombibeli Iyapuki

⁹ Tya: Omwene Kalunga ta ti ngaha: Tau ka kala tuu nawa? Onhwa itai ka duda mo omidi dao nokukola oiimati, opo tau kukuta, heeno, tau kukuta fiyo okomafo ao aeshe a hapa? Ndele itau shilwa mo keenghono dokwooko nokouhapu wovanhu eshi tau dudwa mo nomidi dao.

HESEKIEL 17:9 ပူးပေါင်းရင်းမြစ်များ

HESEKIEL 17:10

Heeno, tala, wa twikwa, ndele otau ka kala tuu nawa? Owo aushe itau ka kukuta, omhepo yokoushilo ngeenge tai pepe kuwo, tau kukuta moimhungu omo wa twikwa.”

JEREMIA 37:10

Osheshi oita ei yOvakaldea tai mu lwifa nande mu va te, ndele tapa xupu vamwevamwe aveke va yashwa meenhanda davo, opo nee vo otava fikama ndele tava xwike po oshilando eshi.”

JEREMIA 32:5

ndele ye ota ka twala Sedekia kuBabilon, noko e nokukala fiyo handi mu dimbulukwa, ondjovo yOmwene oyo. Nye ngeenge tamu lwifa Ovakaldea kamu na apa tamu shi dulu.’ ”

2 OMAFIMBO 20:20

Va fikama ongula inene ndele va ya mombuwa yaTekoa. Ndele fimbo tava fikama Josafat a kala ofika ndele ta ti: “Pwilikinei nge, nye Ovajuda noonakukala muJerusalem! Itaveleni Omwene, Kalunga keni, opo nee tamu ka kala mwa pama. Itaveleni ovaxunganeki vaye, opo nee tamu ka kala nelao.”

2 OMAFIMBO 13:12

Ndele taleni, pamwe nafye, heeno, omupitili komesho yetu Oye Kalunga, novapristeli pamwe nomanghuma onghuwo oku mu shikila onghuwo. Ovana vaIsrael, inamu lwifa Omwene Kalunga kooxo, osheshi itamu ka kala nelao.”

NUMERI 14:41

Ndele Moses e va lombwela: “Omolwashike tamu tauluka vali elombwelo lOmwene, osheshi nye itamu ka dula?

HESEKIEL 17:8

Sho osha twikwa medu liwa pomeva mahapu, opo shi twiyuke nokwiima, shi ninge omuviinyu wa wapala.

AMOS 2:9

“Ndele Ame nda hanauna po moipafi yavo Ovaamori, ava va li vale ve fike poule womisederi, ndele va li va pama ngaashi omiandi. Ndelenee Ame nda hanauna po oiimati yaye pombada nomidi daye domedu.