HESEKIEL 13:3 - Ombibeli Iyapuki

³ Omwene Kalunga ota ti ngaha: “Woo ovaxunganeki vehe neendunge, ava hava shikula omhepo yavo vene noinima inave i mona.

HESEKIEL 13:3 ပူးပေါင်းရင်းမြစ်များ

OMAYELETUMBULO 15:14

Omutima womunaendunge tau kongo eshiivo, ndelenee okanya kovashima taka endaenda noulai.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

JEREMIA 23:1

“Woo ovafita ava tava hanauna ndele tava halakanifa po eedi doufita wange,” ta ti Omwene.

JEREMIA 23:16

Omwene womatanga ovakwaita ota ti ngaha: “Inamu pwilikina eendjovo dovaxunganeki ava, tave mu xunganekele. Otave mu yadifa nomateelelo ongaho. Omamoniko omitima davo vene tave a udifa, ndelenee hasheshi tashi di mokanya kOmwene.

JEREMIA 23:9

Okupopya ovaxunganeki; Omutima wange monhulo yange owa tatuka. Omakipa ange aeshe a tyololoka. Ame ndi li ngaashi omulumenhu a kolwa, ngaashi omuladi a natwa po komaviinyu. Osho ndi li koshipala shOmwene nokeendjovo daye diyapuki.

JEREMIA 28:15

Ndele omuxunganeki Jeremia okwa tya komuxunganeki Hanania: “Hanania, pwilikina! Omwene ine ku tuma, ahowe, ndelenee oshiwana eshi ove we shi lineekelifa oipupulu.

OMAIMBILOKEMO 2:14

Ovaxunganeki voye ve ku monena oinima yoipupulu noyoulai. Vo inave ku hololela owii woye, opo okukala kwoye ku lunduluke, ndelenee vo ove ku monena omaxunganeko oipupulu nomapukifo.

HESEKIEL 13:18

ndele tya: Omwene Kalunga ota ti ngaha: “Woo ovalikadi ava, hava mangele poikesho aishe yomaoko ouputu nohava tungu oshiyata sheluviluvi kombada yomitwe dovanhu ve lili nove lili vakula novanini, opo va yule eemwenyo. Tashi dulika tuu nye mu yule eemwenyo dimwe, fimbo eemwenyo dimwe tamu di lixupifile nye vene?

HESEKIEL 13:4

Israel, ovaxunganeki voye ove li ngaashi eembadje momakulukuma.

HESEKIEL 34:2

“Kaana komunhu, xunganeka u vele ovafita vaIsrael eembedi. Xunganeka u tye kuvo, ovafita: Omwene Kalunga ta ti ngaha: Woo ovafita vaIsrael, vo have lilifa vovene! Ovafita ve nokulifa eedi, ndishi?

HOSEA 9:7

Omafiku etalelepo a fika, omafiku ehandukilo e uya. Israel ote ke shi shiiva! Omuxunganeki ta ka ninga elai. Omunhu wopamhepo ta i eenghwengu omolwounene woulunde woye nomolwounene wehandu.

SAKARIA 11:15

Opo Omwene okwa lombwela nge, ndele ta ti: Kufa po vali oilongifo yomufita ta i eenghwengu.

LUKAS 11:40

Omalai nye, ou a shita eshi shokombada, haye tuu a shita eshi shomeni yo?

LUKAS 11:52

“Woo nye ovanongo vomhango, eshi mwa nyeka ko oshapi younongo, nye vene inamu ya mo, naavo va hala okuya mo, omwe va kelela.”

1 OVAKORINTO 9:16

Ndele nge handi udifa evaengeli, itandi dulu oku li litangela; mwaame ndi nefininiko, woo aame, ngeenge itandi li udifa!

1 TIMOTEUS 6:4

oye ote linenepeke, ye ke na eendunge, ndelenee ota yenwa komapulapulo, eemhata nokomatomhafano muwo tamu di efupa nondubo nomatukafano nomalimbililo mai,

2 TIMOTEUS 3:9

Ndelenee vo kave na apa tava ehene komesho, osheshi oulai wavo otau ka holokela aveshe, ngaashi waavenya wa holoka yo.