HESEKIEL 13:2 - Ombibeli Iyapuki

² “Kaana komunhu, xunganeka nokuvela ombedi ovaxunganeki vomuIsrael hava xunganeke, nokwaava ve lininga ovaxunganeki meenghono davo vene, u tye: Pwilikineni ondjovo yOmwene!”

HESEKIEL 13:2 ပူးပေါင်းရင်းမြစ်များ

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

JESAJA 1:10

Pwilikineni ondjovo yOmwene, onye ovakulunhu vaSodom! Tuleni momatwi omhango yaKalunga ketu, nye ovanhu vaGomorra!

JESAJA 28:14

Onghee hano pwilikineni ondjovo yOmwene, onye ovasheki, novapangeli voshiwana eshi muJerusalem.

JESAJA 9:15

Omukulunhu noshipuna oye omutwe, nomuxunganeki ou ta longo oipupulu, oye omushila.

JEREMIA 23:2

Onghee hano Omwene Kalunga kaIsrael mokupopya ovafita ava, hava lifa ovanhu vange, ota ti: “Nye omwa halakanifa po eedi dange nomwe di ta po, nye inamu di diinina. Tala, paife onda hala ndi diinine moku mu handukilila oilonga yeni ii, Omwene osho ta ti.

JEREMIA 27:14

Inamu pwilikina eendjovo dovaxunganeki ava tave mu lombwele tava ti ngaha: ‘Kamu na apa tamu ka longela ohamba yaBabilon,’ osheshi otave mu xunganekele oipupulu.

JEREMIA 27:18

Ndelenee ovo ngeenge ovaxunganeki nongeenge ve neendjovo dOmwene, nava ilikane Omwene womatanga ovakwaita, oiyuma ei ya fyaala motembeli yOmwene nomouhamba wohamba yaJuda nomuJerusalem, nayo yo iha twalwe kuBabilon.

JEREMIA 37:19

Ndele ovaxunganeki veni ove mu xunganekela va tya: ‘Ohamba yaBabilon itai uya kunye nokoshilongo sheni,’ ove li peni?

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

JEREMIA 8:10

Onghee hano ovakainhu vavo ohandi ke va yandja kovanailongo nomapya avo okovanyeki vavo, osheshi aveshe, ovanyasha novakulunhu ova hokwa eliko loulunde, okovaxunganeki fiyo ovapristeli, aveshe ohava fufya nohava kengelele.

OMAIMBILOKEMO 4:13

Oshe va hanga omolwoulunde wovaxunganeki vasho nomolwoilonga ii yovapristeli vasho, molwaava va tilashi ohonde yovayuki meni lasho.

HESEKIEL 13:1

Ndele ondjovo yOmwene ye uya kwaame ndele tai ti:

HESEKIEL 13:17

“Ndele oove, kaana komunhu, taalelifa oshipala shoye kovana oukadona voshiwana shoye, ava hava holoka ngaashi ovaxunganeki ovakainhu meenghono domitima davo vene, ndele ove, xunganeka noku va vela ombedi,”

HESEKIEL 13:3

Omwene Kalunga ota ti ngaha: “Woo ovaxunganeki vehe neendunge, ava hava shikula omhepo yavo vene noinima inave i mona.

HESEKIEL 16:35

“Onghee hano, ombwada ove, uda ondjovo yOmwene.

HESEKIEL 22:25

Ehangakeno lovaxunganeki vasho li li musho, ngaashi onghoshi tai kumbu, tai nyanyaula oshikwatomwa, vo ohava li eemwenyo, hava kufa omamona noinima i nondilo. Vo hava hapupalifa omuvalu wovafiyekadi.

HESEKIEL 22:28

Ovaxunganeki vomusho ohave va kolongele ashishe nokaalaka moku va monifila omamoniko oipupulu, noku va xunganekela oipupulu nokutya: Omwene Kalunga osho ta ti, nande Omwene hasho a tile.

HESEKIEL 34:7

“Onghee hano akutu nye ovafita! Udeni ondjovo yOmwene:

HESEKIEL 34:9

Onghee hano, akutu ovafita nye, udeni ondjovo yOmwene.

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

MIKA 3:6

Onghee hano otaku uya kunye oufiku uhe nemoniko, nomilaulu otadi uya kunye dihe nexunganeko. Heeno, etango otali ka ninginina ovaxunganeki nomutenya otau va laulile.

SEFANIA 3:4

Ovaxunganeki vomusho vehe noshisho shasha, vo ovakulunhu vehe shii kulineekelwa. Ovapristeli vomusho otava nyateke eshi sha yapulwa, vo ohava endameke omhango.