HAGGAI 2:3 - Ombibeli Iyapuki

³ “Mokati keni omu na ou a mona otembeli ei moshinge shayo shonale? Otamu i tale, oi li ngahelipi paife? Kai fi oshinima shongaho momesho eni?

HAGGAI 2:3 ပူးပေါင်းရင်းမြစ်များ

1 OMAFIMBO 22:5

Osheshi David ta ti: “Omumwange Salomo omunyasha wokasheshelutu ndele ongulu oyo tai ka tungilwa Omwene, i nokuninga inene i dule eengulu adishe, i ninge etumbalo newapalo loilongo aishe. Nandi mu longekidile hano etungo.” Onghee hano David, fimbo ina fya, a longekida oitungifo ihapu.

ESRA 3:11

Ndele va hovela okuhambelela nokupandula Omwene: “Shaashi Ye omuwa, nouwanghenda waye tau kalelele kOvaisraeli fiyo alushe.” Novanhu va hafa nokunyakukwa unene, vo eshi va hambelela Omwene, shaashi ekanghameno longulu yOmwene la tungwa.

ESRA 3:12

Ndelenee ovapristeli vahapu nOvalevi novakulunhu vomapata, novaxungu, ovo va mona ongulu yotete, ova lila pombada, eshi ve wete ekanghameno longulu ei ya tungwa moipafi yavo, fimbo vakwao va yelula ondaka yavo nokuhafa nokunyakukwa.

JESAJA 64:10

Oilando yoye iyapuki oya ninga omaputu, Sion osha ninga eputu, Jerusalem osha ninga omuulu.

HESEKIEL 7:20

Nefewa loulenga wa ningwa wa dja musho ve li linenepekifa ndele ve shi ninga oihongomwa yavo yoixuna. Onghee Ame nde shi va ningila enyonyodolo.

HAGGAI 2:9

Ewapalo lotembeli ei tali ka ninga linene li dule lonale, Omwene womatanga ovakwaita ota ti. Ndele monhele ei ohandi ka yandja mo ombili tai kala mo,” Omwene womatanga ovakwaita ota ti.