HAGGAI 2:2 - Ombibeli Iyapuki

² Lombwela Serubbabel yaSalatiel, omupangeli waJuda naJosua yaJosadak, omupristeli omukulunhu noshixupe shoshiwana, ove u tye:

HAGGAI 2:2 ပူးပေါင်းရင်းမြစ်များ

ESRA 1:8

Ndele Kores ohamba yaPersia, ye i yandja kuMitridat, elenga lomamona. Ndele lo ole i vala moku i yandja kuSesbassar, omukulunhu wOvajuda.

ESRA 2:63

Nomupangeli okwe va lombwela vaha lye meeshali diyapukielela fiyo taku holoka omupristeli e na Urim naTummim.

ESRA 3:2

Ndele Josua yaJosadak novamwaina ovapristeli naSerubbabel yaSalatiel pamwe novamwaina va fikama, ndele va tunga oaltari yaKalunga kaIsrael, va yambele ko omaxwikiloyambo ngaashi pa shangwa momhango yaMoses, omulumenhu waKalunga.

NEHEMIA 8:9

Opo nee omupangeli Nehemia naEsra omupristeli nomunongo womishangwa nOvalevi ovo va longa oshiwana nokulombwela oshiwana ashishe tava ti: “Efiku eli ola yapulilwa Omwene Kalunga keni. Inamu nyika oluhodi nye inamu lila!” Osheshi oshiwana ashishe sha lila, eshi sha uda eendjovo domhango.

HAGGAI 1:1

Momudo omutivali wohamba Darius mefiku lotete lohani onhihamano, ondjovo yaKalunga ya dilila momuxunganeki Haggai noya hanga Serubbabel yaSalatiel, omutekuli waJuda, naJosua yaJosadak, omupristeli omukulunhu, ndele tai ti:

HAGGAI 1:12

Osho Serubbabel yaSalatiel naJosua yaJosadak, omupristeli omukulunhu noshixupe ashishe shoshiwana osha uda ondaka yOmwene Kalunga kavo, neendjovo domuxunganeki Haggai, ngaashi Omwene Kalunga kavo e mu tuma ko. Noshiwana osha tila Omwene.

HAGGAI 1:14

Ndele Omwene okwa pendula omhepo yomuSerubbabel yaSalatiel omupangeli waJuda nomhepo yomuJosua yaJosadak omupristeli omukulunhu nomhepo yoshixupe ashishe shoshiwana. Opo nee ove uya nova hovela oshilonga shotembeli yOmwene womatanga ovakwaita, Kalunga kavo.