GENESIS 9:6 - Ombibeli Iyapuki

⁶ Ou ta tileshi ohonde yomunhu, ohonde yaye oi na okutilwashi komunhu. Osheshi Kalunga okwa ninga omunhu oshifefa shaye.

GENESIS 9:6 ပူးပေါင်းရင်းမြစ်များ

GENESIS 4:14

Tala, ove oto taataa nge paife mepya ndele ame ndi na okuhondama oshipala shoye. Ame ohandi ningi epongo nomutewatewi kombada yedu, nakeshe tuu ou ta mono nge, ota ka dipaa nge.”

GENESIS 42:22

Opo nee Ruben okwe va nyamukula ta ti: “Ame inandi shi mu lombwela kutya: ‘Inamu tula etimba lokaana aka?’ Ndelenee nye inamu uda nge. Taleni, paife ohonde yaye ohatu i pulweni.”

GENESIS 5:1

Efina lepata laAdam oleli: Mefiku tuu olo Kalunga a shita omunhu, Ye okwe mu ninga oshifefa shaye.

2 SAMUEL 4:11

unene hano paife ovanhu ovakolokoshi, eshi va dipaa omulumenhu omuyuki meumbo laye mombete yaye, ame ndi kale mbela ihandi pula ohonde yaye momake eni ndi mu kombe po kombada yedu?”

1 EEHAMBA 2:9

Ndelenee ove ino mu efa a kale ina handukilwa, osheshi ove omulumenhu omunaendunge, ndele u shi shii osho u noku mu ningila, opo eenghwakutoka daye u di kulukilifile moshovafi pamwe nohonde.”

2 EEHAMBA 11:1

Atalia, ina yaAhasia, eshi a mona nokutya omona waye omumati okwa dipawa, okwa yandja elombwelo ovakwahamba aveshe vomuJuda va dipawe.

2 EEHAMBA 11:16

Opo nee ove mu kwata, ndele eshi va fika pomhito yOshivelo Sheenghambe mombala, ove mu dipaa.

2 EEHAMBA 11:20

Novanhu aveshe vomoshilongo va hafa, noshilando sha tulumukwa. Ndelenee va dipaa neongamukonda Atalia meumbo lohamba.

2 OMAFIMBO 33:24

Novapiya vaye ve mu hangakena ndele ve mu dipaa mongulu yaye.

OMAPSALOME 51:4

Kwoove akuke nda nyona, nonda ninga eshi shii momesho oye, opo u kale omuyuki meendjovo doye, nouhenombedi mokutokola kwoye.

EXODUS 20:13

“Ino dipaa.

OMAYELETUMBULO 28:17

Omunhu ou ta fininikwa ketimba lohonde yomunhu e nokuhondama fiyo okefyo laye. Kape na nande umwe ou te mu amene.

OMUUDIFI 3:3

efimbo lokudipaa nefimbo lokuvelula, efimbo lokuhanauna po nefimbo lokutunga,

LEVITIKUS 17:4

ndele ite i eta poshivelo shetwali leongalo a etele Omwene eyambo molwetwali liyapuki lOmwene, winya e netimba lohonde. Ye a tilashi ohonde, onghee ye e nokudimwa mo moshiwana shaye.

LEVITIKUS 24:17

“Ndele ngeenge umwe ta dipaa omunhu ye e nokudipawa shili.

NUMERI 35:16

“Ndelenee ngeenge te mu denge noshivela, nomunhu ta fi, opo nee ye omudipaielela e nokufya shili.

NUMERI 35:25

Neongalo li nokuxupifa ou a dipaa nomake omupuli wetimba, neongalo nali efe a shune moshihondamenolando shaye, omo a ya onhapo. Ndele ye e nokukala ko fiyo okefyo lomupristeli omukulunhu ou a vaekwa nomaadi mayapuki.

NUMERI 35:33

Ndele nye inamu nyateka edu olo mu li mulo, osheshi ohonde tai nyateke edu. Edu olo itali ka kwatakanifwa molwohonde ei ya tililwa mo, ashike nohonde yaau e i tilashi.

MATEUS 26:52

Opo nee Jesus ta ti kuye: “Shunifa mo eongamukonda loye moshilaleko shalo, osheshi aveshe ava tava kwata keongamukonda, otava fi keongamukonda.

OVAROMA 13:4

osheshi olo omuyakuli waKalunga oku ku popila. Ndele ngeenge to longo owii, kala wa tila; osheshi eongamukonda inave li djala epwanga, osheshi olo omuyakuli waKalunga okuhandukila ava tava longo owii.

1 OVAKORINTO 11:7

Osheshi omulumenhu ita tuvike omutwe waye, osheshi oye efano nefimano laKalunga; ndele omukainhu oye efimano lomulumenhu,

DEUTERONOMION 19:11

“Ndelenee umwe ngeenge ta tondo mukwao ndele te mu nangele, ndele te mu nhukile, ndele te mu denge, Ye ta fi, ndele winya ta i onhapo koshilando shimwe shomoilando oyo,

DEUTERONOMION 5:17

“ ‘Ino dipaa.

JAKOB 3:9

Nelaka ohatu hambelele Omwene Tate, ndele hatu tuku nalo ovanhu va shitwa oshifefa shaKalunga;

EHOLOLO 13:10

Ngeenge pe na ou ta kwata onghwate, oye ta kwatwa yo onghwate, naau ta dipaa neongamukonda, oye ota dipawa yo neongamukonda. Apa otapa pulwa elididimiko neitavelo lovayapuki.

OVATOKOLIPANGELI 9:56

Osho ngaha hano Kalunga okwa alulila Abimelek owii, ye e u ningila xe mokudipaa ovamwaina vaye ovalumenhu omilongo heyali.

1 SAMUEL 15:33

Ndelenee Samuel okwa tya: “Ngaashi eongamukonda loye la nyeka ovalikadi ovana, osho yo nyoko ta ka kala ehe novana mokati kovakainhu.” Opo nee Samuel a tetaula Agag oinhimbu moipafi yOmwene muGilgal.