GENESIS 9:3 - Ombibeli Iyapuki

³ Aishe ei tai linyenge i na omwenyo nai ninge eendja deni. Nosho yo oimeno aishe italala Ame ohandi i yandje aishe kunye.

GENESIS 9:3 ပူးပေါင်းရင်းမြစ်များ

GENESIS 9:2

Noinamwenyo aishe yedu needila adishe dokeulu nadi mu tile nokuhaluka. Aishe ei tai linyenge kombada yedu noikwameva aishe yomefuta oya yandjwa momake eni.

LEVITIKUS 22:8

Ye aha lye sha shomoinamwenyo ya nyanyaulwa, opo ehe linyatekife kusho. Aame Omwene.

OVAROMA 14:14

Ame ondi shi shii, ndele onda pama shili mOmwene Jesus, kape noshinima sha nyata musho vene; oye ou aeke ta tale oshinima sha nyata, okuye sha nyata.

OVAROMA 14:17

Osheshi ouhamba waKalunga kau fi okulya nokunwa, ndelenee ouyuki, ombili nehafo mOmhepo Iyapuki.

OVAROMA 14:20

Ino hanauna po oshilonga shaKalunga molwoikulya. Hano, aishe oya yela, ndele omunhu ou ta li neliudo lii, oshe mu nyikila owii.

OVAROMA 14:3

Ou ha li, ina dina ou iha li, naau iha li, ina tokola ou ha li, osheshi Kalunga okwe mu tambula.

1 OVAKORINTO 10:23

Aishe ohai ningwa, ndele haaishe i nekwafo. Aishe ohai ningwa, ndele haaishe tai tungu.

1 OVAKORINTO 10:31

Onghee hano ngeenge tamu li ile tamu nu, ile keshe tuu eshi tamu shi ningi, ashishe shi ningeni okufimanekifa Kalunga.

DEUTERONOMION 12:15

Ndelenee pahalo lomutima woye ove oto dulu okutoma nokulya peenhele doye adishe ombelela i fike pokunangekwa noupuna kwOmwene Kalunga koye. Ou ina yela naau a yela ne i lye ngaashi yomenye ile yongalangobe.

OVAKOLOSSI 2:16

Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata,