GENESIS 9:1 - Ombibeli Iyapuki

¹ Ndele Kalunga okwa nangeka noupuna Noa novana vaye ovamati ndele okwe va lombwela ta ti: “Dalafaneni, hapupaleni, nye mu yadife edu.

GENESIS 9:1 ပူးပေါင်းရင်းမြစ်များ

GENESIS 1:22

Ndele Kalunga okwe i nangeka noupuna ndele ta ti: “Dalafaneni nye mu hapupale ndele yadifeni efuta, needila dokombada yedu nadi hapupale.”

GENESIS 1:28

Ndele Kalunga okwe va nangeka noupuna, nokwe va lombwela: “Dalafaneni nokuhapupala ndele yadifeni edu, lo nali kale mepangelo leni, ndele pangeleni oinamwenyo yomefuta needila dokeulu noinamwenyo aishe tai linyenge kombada yedu.”

GENESIS 10:32

Oo omaludi ovana vaNoa pamapata avo nomoiwana yavo. Ndele muvo mwa tandavela oiwana yokombada yedu konima yeyelu.

GENESIS 2:3

Ndele Kalunga okwa nangeka noupuna efiku etiheyali nokwe li yapula, shaashi Ye omo a tulumukwa koilonga yaye aishe e i shita noku i ninga.

GENESIS 24:60

Ndele vo ova nangeka noupuna Rebeka ndele tava ti kuye: “Omumwameme, mwoove namu dalwe omayovi omilongo, noludalo loye nali nangale moshivelo shovanaita naave.”

GENESIS 35:11

Kalunga okwe mu lombwela vali ta ti: “Aame Kalunga Omunaenghono adishe. Kala u na oludalo u hapupale. Oshiwana, heeno, oiwana tai ka dja mwoove neehamba tadi ka dja momatundji oye.

GENESIS 8:17

Oinamwenyo aishe ei i li pwoove, yombelela keshe, nai dje mo pamwe naave. Eedila noimuna noinamwenyo aishe ei hai linyenge kombada yedu, i shiive okumyakatala kombada yedu, nai kale i na oludalo noi hapupale kombada yedu.”

GENESIS 9:19

Ava vatatu ova li ovana vaNoa. Ndele muvo omwa hovela etandavelo loonakukala aveshe kombada yedu aveshe.

GENESIS 9:2

Noinamwenyo aishe yedu needila adishe dokeulu nadi mu tile nokuhaluka. Aishe ei tai linyenge kombada yedu noikwameva aishe yomefuta oya yandjwa momake eni.

GENESIS 9:7

Ndelenee nye dalafaneni mu hapupale. Tandaveleni kombada yedu nye mu hapupale mulo.”

OMAPSALOME 112:1

Halleluya! Omulumenhu omunelao ou ha tila Omwene, ndele ta hokwa shili oipango yaye.

JESAJA 51:2

Lyaameneni, nye mu tale xokulu yeni Abraham naSara ou e mu dala. Osheshi okwa li oye aeke, eshi nde mu hoolola, ndele onde mu nangeka noupuna nonde mu hapupalifa.