GENESIS 8:20 - Ombibeli Iyapuki

²⁰ Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

GENESIS 8:20 ပူးပေါင်းရင်းမြစ်များ

GENESIS 13:18

Opo nee Abram okwa ehena komesho neefaila daye nokwa tula moshuundungila shomuMamre, popepi naHebron. Ndele oko a ka tungila Omwene oaltari.

GENESIS 13:4

konhele oko a tungile nale oaltari. Ndele oko Abram a ifana edina lOmwene.

GENESIS 22:2

Opo Ye ta ti: “Kufa Isak, omona woye ewifa, ou u mu hole, ndele inda kedu laMoria. Ndee oko to ke mu yamba exwikiloyambo komhunda oyo Ame handi ke ku ulikila.”

GENESIS 22:9

Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

GENESIS 26:25

Opo nee ye okwa tungila ko oaltari ndele ta ifana edina lOmwene, ndele ta diki ko eefaila daye. Novapiya vaIsak va xupa ko omufima.

GENESIS 33:20

Ndele oko a tungila oaltari nokwe shi luka: Kalunga kaIsrael, Oye Kalunga!

GENESIS 35:1

Opo nee Kalunga okwa lombwela Jakob ta ti: “Lilongekida, inda kuBetel u kale oko. Dikila ko Kalunga oaltari, Kalunga ou e liholola kwoove eshi wa ya onhapo mumwanyoko Esau.”

GENESIS 35:7

Ndele oko a tunga oaltari nokwa ifana onhele oyo El Betel, osheshi oko Kalunga e mu lihololelele eshi ye a ile onhapo yamumwaina Esau.

GENESIS 4:4

Ndele Abel yo okwa eta eshi sha dalwa tete shomoimuna yaye nokutya, omaadi ayo. Ndele Omwene okwa tala nokuhokwa Abel noiyandjiwa yaye,

GENESIS 7:2

Moinamwenyo ya koshoka likufila mo ooivali luheyali, oindume noikadi. Ndelenee moinamwenyo ei inai koshoka, kufa mo ooivali, oshindume noshikadi shasho.

GENESIS 7:3

Nomeedila dokeulu yo mbali luheyali, eendume neenghadi, oludi opo li kale li na omwenyo kombada yedu alishe.

GENESIS 8:19

Oinamwenyo aishe, aishe tai alangata, needila adishe, aishe ei tai linyenge kombada yedu, pamaludi ayo, oya pita mo mongulu yomomeva.

JOB 1:5

Ndele omafiku oitelekela eshi a pita po, Job okwa tuma ko ndele te va yapula. Opo nee Job ta fikama ongula inene ndele ta yambe omaxwikiloyambo akeshe umwe womuvo. Osheshi Job a diladila: Ovamwange kashiimba va nyona ndele va sheka Kalunga momitima davo! Osho Job a ninga alushe.

EXODUS 10:25

Ndele Moses ta ti: “Ove u noku tu pa yo eengobe domatomenoyambo nodomaxwikiloyambo tu di yandjele Omwene Kalunga ketu omayambo.

EXODUS 29:18

Opo nee u nokuxwika po odi aishe koaltari. Olo exwikiloyambo kOmwene, edimba liwa, heeno, olo omundiloyambo kOmwene.

EXODUS 29:25

Opo nee to i kufa mo momake avo u i xwike po kombada yexwikiloyambo, i ninge edimba liwa koshipala shOmwene. Olo omundiloyambo kOmwene.

NUMERI 7:21

ongobe onyasha yomhedi, odi yomhedi odjona yomudo umwe exwikiloyambo,

OVAROMA 12:1

Osho nee ovamwatate, ame ohandi mu kumaidifa efilonghenda laKalunga, yandjeni omalutu eni eyambo liyapuki li nomwenyo, la wapalela Kalunga; olo elongelokalunga leni lopandunge.

OVAHEBERI 13:10

Fye otu noaltari omo mwa shilikwa okuliwa kwaava hava yakula metwali.

1 PETRUS 2:5

nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.