GENESIS 8:16 - Ombibeli Iyapuki

¹⁶ “Dja mo mongulu yomomeva, nye nomwalikadi woye novana voye ovamati novalikadi vovana voye ovamati pamwe naave.

GENESIS 8:16 ပူးပေါင်းရင်းမြစ်များ

GENESIS 7:1

Ndele Omwene okwa lombwela Noa ta ti: “Inda mongulu yomomeva, ove neumbo loye alishe, osheshi ove onde ku mona omuyuki koshipala shange mepupi eli.

GENESIS 7:13

Mefiku tuu olo Noa naSem naHam naJafet, ovana vaNoa, nosho yo omwalikadi waNoa novalikadi vatatu vovana vaye, ova ya mongulu yomomeva.

GENESIS 7:7

Ndele Noa novana vaye ovamati nomwalikadi waye novalikadi vovana ovamati ova ya pamwe naye mongulu yomomeva va ye onhapo yomeva eyelu.

GENESIS 8:15

Ndele Kalunga okwa lombwela Noa, ndele ta ti:

GENESIS 8:17

Oinamwenyo aishe ei i li pwoove, yombelela keshe, nai dje mo pamwe naave. Eedila noimuna noinamwenyo aishe ei hai linyenge kombada yedu, i shiive okumyakatala kombada yedu, nai kale i na oludalo noi hapupale kombada yedu.”

OMAPSALOME 121:8

Omwene ota amene epito loye neuyemo loye okudja nena fiyo alushe.

OMAPSALOME 91:11

Osheshi Ye ote ku lombwelele ovaengeli vaye, ve ku amene meendjila doye adishe.

SAKARIA 9:11

Ndele omolwohonde yehangano loye ohandi xupifa eenghwate doye momufima uhe nomeva.

JOSUA 3:17

Ndelenee ovapristeli ava va humbata oshikefa shehangano lOmwene ova kala ofika inave linyenga poukukutu momulonga waJordan, fimbo Ovaisraeli aveshe va taulula poukukutu, fiyo oshiwana ashishe sha taulula Jordan.

JOSUA 4:10

Novapristeli ava va humbata oshikefa va kala ofika mokati kaJordan fiyo ashishe sha wanifwa eshi Josua e shi lombwelwa kOmwene, e shi lombwele ovanhu, ashishe ngaashi Moses e shi lombwela Josua. Ndele ovanhu va taulula diva.