GENESIS 7:4 - Ombibeli Iyapuki

⁴ Osheshi oku na omafiku aheyali natango opo nee Ame ohandi ka lokifila edu alishe odula omafiku omilongo nhee oufiku nomutenya, ndele handi ka komba po kombada yedu oinamwenyo aishe ei nda ninga.”

GENESIS 7:4 ပူးပေါင်းရင်းမြစ်များ

GENESIS 2:5

inapa kala nande oshixwa moixwa kombada yedu noshimeno shomoixwa nande oshimwe sha eta ohengo. Osheshi Omwene Kalunga ina lokifa natango odula kombada yedu, ndele inapa kala nande omunhu wokulonga edu;

GENESIS 6:13

Ndele Kalunga okwa lombwela Noa: “Patokolo lange exulilo lombelela aishe ola fika. Osheshi vo ova yadifa edu noukolokoshi ndele tala, Ame ohandi ke va hanauna po pamwe nedu.

GENESIS 6:17

Osheshi tala, Ame ohandi yelulile edu eyelu, opo ndi hanaune po ombelela aishe i na omufudo womwenyo koshi yeulu. Aishe ei i li kombada yedu otai ka fya.

GENESIS 6:3

Opo nee Omwene ta ti: “Omhepo yange itai ka pangela meni lomunhu fiyo alushe, osheshi ye ombelela. Ndelenee efimbo laye nali ninge omido efele limwe nomilongo mbali.”

GENESIS 6:7

Ndele Omwene okwa tya: “Ovanhu ava nda shita onda hala oku va komba po kombada yedu, heeno, ovanhu noimuna yo, noialangati needila dokeulu. Osheshi otashi yehameke nge, eshi nde va ninga.”

GENESIS 7:10

Omafiku aheyali eshi a pita po, omeva eyelu okwe uya kombada yedu.

GENESIS 7:12

Ndele odula inene ya loka kombada yedu omafiku omilongo nhee oufiku nomutenya.

GENESIS 7:17

Ndele eyelu ola kala kombada yedu omafiku omilongo nhee: omeva okwa hapupala ndele taa yelula ongulu yomomeva, ndele yo oya yeluka ko kombada yedu.

GENESIS 7:3

Nomeedila dokeulu yo mbali luheyali, eendume neenghadi, oludi opo li kale li na omwenyo kombada yedu alishe.

GENESIS 8:10

Opo ye okwa teelela vali omafiku aheyali. Ndele ye okwa pitifa mo vali onghuti mongulu yomomeva.

GENESIS 8:12

Ndele ye okwa teelela vali omafiku aheyali ndee okwa pitifa mo onghuti. Ndele yo inai alukila vali kuye.

GENESIS 8:2

osho yo eefifiya domoule womedu noikelelifo yeulu ya fitikwa, nodula inene yetilashi oya sheka.

JOB 22:16

vo va hanaunwa po efimbo lavo fimbo inali fika, ekanghameno lavo la kombwa po komeva,

JOB 28:25

Ye eshi a pele omhepo eenghono, nomeva okwe a yelekele noshiyelekifo,

OMAPSALOME 69:28

Nava dimwe mo membo lomwenyo, vaha kale va shangelwa pamwe novayuki voye.

JEREMIA 28:16

Onghee hano Omwene ota ti ngaha: ‘Tala, Ame ohandi ku kufa ko kombada yedu. Momudo tuu ou ove oto ka fya, osheshi ove owa udifa eliteeko okweefa Omwene.’ ”

AMOS 4:7

“Nosho yo nda kelela odula iha loke kunye, nande oku na natango eehani nhatu deteyo. Ndele nda lokifila oshilando shimwe, ndelenee shikwao inandi shi lokifila. Epya limwe la pewa odula, ndelenee likwao, eli inali lokwa, ola kukuta.

EHOLOLO 3:5

Ou ta findi, ota djalekwa oikutu itoka, nedina laye itandi li dimi mo membo lomwenyo, ndelenee edina laye ohandi li hepaulula koshipala shaTate nomoipafi yovaengeli vaye.