GENESIS 7:23 - Ombibeli Iyapuki

²³ Osho ngaha oinamwenyo aishe ei ya li kombada yedu ya kombwa po, ovanhu noimuna noialangati needila dokeulu. Yo oya kombwa po kombada yedu. Ndele Noa oye aeke a fyaala po naava va li pamwe naye mongulu yomomeva.

GENESIS 7:23 ပူးပေါင်းရင်းမြစ်များ

GENESIS 6:17

Osheshi tala, Ame ohandi yelulile edu eyelu, opo ndi hanaune po ombelela aishe i na omufudo womwenyo koshi yeulu. Aishe ei i li kombada yedu otai ka fya.

GENESIS 8:18

Opo nee Noa okwa pita mo novana vaye ovamati nomwalikadi waye novalikadi vovana ovamati pamwe naye.

JOB 5:19

Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange.

OMAPSALOME 91:1

Ou e li omutumba meameno laau wOkombadambada, ndele ta kala momudidimbe wOmunaenghono adishe,

OMAPSALOME 91:7

Nande nava wile po eyovi limwe kolumosho loye, nomayovi omulongo kolulyo loye, kwoove itau hange ko.

OMAYELETUMBULO 11:4

Emona itali kwafa sha mefiku loupyuhandu, ndelenee ouyuki tau xupifa mo mefyo.

MATEUS 25:46

Ndele ava tava i mokuhandukilwa kwaalushe, ndele ovayuki omomwenyo waalushe.”

OVAHEBERI 11:7

Meitavelo Noa, eshi a shiivifilwa inya inai monika natango, metilo liyapuki okwa tunga ongulu yomomeva, a xupife eumbo laye, nomeitavelo okwa tokola ounyuni nokwa ninga omufyuululi wouyuki tau di meitavelo.

1 PETRUS 3:20

ovo tuu ovo va li inava dulika, onhalanheni yaKalunga eshi ye va teelela pomafiku enya aNoa, ongulu yomomeva eshi ya pangelwa, omo mwa xupifilwa vamwe aveke, nokutya ovanhu vahetatu, va xupifwa komeva.

2 PETRUS 2:5

Nounyuni winya wonale ine u fya eenghoto, nande a amena Noa, omuudifi wouyuki navakwao vaheyali, eshi a yelulifa ounyuni wovahenakalunga eyelu.

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,

2 PETRUS 3:6

ndele muo ounyuni winya wonale owa nyonaukila meyelu lao.