GENESIS 7:11 - Ombibeli Iyapuki

¹¹ Momudo omutimafele ahamano womokukala kwaNoa, mohani onhivali mefiku etimulongo naheyali lohani, mefiku tuu olo eefifiya adishe domoule womedu oda fituluka noikelelifo yeulu oya yeuluka.

GENESIS 7:11 ပူးပေါင်းရင်းမြစ်များ

GENESIS 1:7

Ndele Kalunga okwa ninga evalelwa nokwa tongola omeva aa a kala koshi yevalelwa naa a kala kombada yevalelwa. Ndele osho sha ningwa.

GENESIS 6:17

Osheshi tala, Ame ohandi yelulile edu eyelu, opo ndi hanaune po ombelela aishe i na omufudo womwenyo koshi yeulu. Aishe ei i li kombada yedu otai ka fya.

GENESIS 7:6

Ndele omido daNoa oda li di fike pomafele ahamano, eshi eyelu le uya kombada yedu.

GENESIS 8:14

Mohani onhivali mefiku etimilongo mbali netiheyali edu ola li la kukuta.

GENESIS 8:2

osho yo eefifiya domoule womedu noikelelifo yeulu ya fitikwa, nodula inene yetilashi oya sheka.

2 EEHAMBA 7:19

Elenga la nyamukula omulumenhu waKalunga ndele tali ti: “Omwene nande a ninge eembuluvelo meulu, osho tashi ka ningwa ngahelipi?” Ndele ye ta ti: “Tala, ove oto ke shi mona nomesho oye, ndelenee ito ka lya kuyo.”

2 EEHAMBA 7:2

Ndelenee elenga, kokwooko kwalo ohamba tai likolelele, la nyamukula omulumenhu waKalunga, ndele tali ti: “Omwene nande a ninge eembululu domakende meulu, otashi ka dulika ngahelipi?” Ndele Elisa ta ti: “Tala, ove mwene oto ke shi mona, ndelenee ito ka lya kuyo.”

JOB 12:15

Tala, Ye ota kelele omeva ndele taa pwiinine. Ye ote a efa a kungulukile po, ndele taa tuvike edu.

JOB 28:4

Omina otai hokwa tapa ka iwa mokule okoshi yoonakukala kombada yedu; ova dimbuwa kwaava hava lyata kombada. Vo ohava endjelele mo kokule novanhu, tava dungaanifwa.

JOB 38:16

Ove wa ile ko tuu keefifiya defuta? Ndele wa endaenda tuu moule woposhi meni lefuta poukukutu?

JOB 38:37

Olyelye omunandunge a shiive okuvala omuvalu woilemo? Neeshako deulu olyelye te di fidimike

OMAPSALOME 33:7

Omeva efuta ote a tumbifa ngaashi onduba, momalimba aye ota tulike oulembwili.

OMAPSALOME 74:15

Oove ou, wa fulukifile eedjo nomilola, nomilonga, edi da li da tondoka omeva nale, owe di pwiininifa.

OMAYELETUMBULO 3:20

omolweshiivo omakungulukilo omokule a panuka mo noilemo ya ndoda omume.

JESAJA 24:18

Ndele ou ta faduka po onghuwo yoixuna, ota wile moshilambo, naau ta di mo moshilambo, ota yulwa komwiyo. Osheshi oivelo yopombada otai yeuluka neengudi dedu otadi kakama.

JESAJA 24:19

Edu otali tende omifya, notali pambauka oupambu, edu otali tengauka ndele tali lishikashika.

JEREMIA 5:22

Inamu hala okutila ile okukakama koshipala shange, Omwene osho ta ti, Ame ou nda dika eheke la ninga ongaba yefuta, li ninge oshikelelifo alushe, lihe shii okutaulukwa. Nande nali undulwe komakufikufi alo, ole a nyenga, nande naa tukuluke, itaa dulu oku li tauluka.

JEREMIA 51:16

Nge ta ndunduma, oshihomo shomeva otashi udika keulu, ndele Ye ota menifa oilemo yokominghulo dedu, ta shelifa omaluvadi, ndele ta eta po odula, ndele ta pepifa mo omhepo momalimba ayo.

HESEKIEL 26:19

Osheshi Omwene Kalunga ta ti ngaha: “Ame ngeenge handi ku ningi oshilando sha tokekwa, ngaashi oilando ihe novanhu vali, nongeenge Ame handi ku undulile eyelu lomeva manene tae ku tuvike

MALAKIA 3:10

Eteni oitimulongo aishe ya wana kelimba lange, opo mongulu yange mu kale eendja. Ndele yelekeni nge nye mu tale, Omwene womatanga ovakwaita ta ti, ngeenge ihandi ke mu yeululila omakende keulu ndele handi ke mu lokifila enangekonoupuna la wanenena.

MATEUS 24:38

Osheshi ngaashi ovanhu va li pomafiku enya a tetekela eyelu: kwa li hava li nohava nu, hava hombola nohava hombolifa, fiyo efiku olo Noa a ya monguluwato,

1 OVATESSALONIKI 5:3

Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo.

2 PETRUS 3:6

ndele muo ounyuni winya wonale owa nyonaukila meyelu lao.