GENESIS 6:9 - Ombibeli Iyapuki

⁹ Omahepaululo epata laNoa. Noa okwa li omulumenhu omuyuki nokwa li ehe na etimba mokati kovanhu vomounyuni waye. Noa okwa enda pamwe naKalunga.

GENESIS 6:9 ပူးပေါင်းရင်းမြစ်များ

GENESIS 10:1

Ndele eshi osho efina lomapata ovana vaNoa: Sem, Ham naJafet; vo ova dala ovana ovamati konima yeyelu.

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 2:4

Eshi omahepu taa hepaulula eulu nedu eshi la shitwa. Mefiku olo Omwene Kalunga a ninga eulu nedu,

GENESIS 48:15

Ndele ye okwa nangeka noupuna Josef, ndele ta ti: “Kalunga, Oove Kalunga ootatekulu Abraham naIsak, va endaenda koshipala shoye, Kalunga, ou wa li Omufita wange, okudja kokudalwa kwange fiyo onena eli,

GENESIS 5:1

Efina lepata laAdam oleli: Mefiku tuu olo Kalunga a shita omunhu, Ye okwe mu ninga oshifefa shaye.

GENESIS 5:22

Ndele Henok eshi a dala Metusala okwa li ha ende pamwe naKalunga omido omafele atatu. Ndele ye okwa dala ovana ovamati noukadona.

GENESIS 5:24

Ndele Henok okwa enda pamwe naKalunga. Ndele ye ina monika vali, osheshi Kalunga okwe mu kufa po.

GENESIS 6:10

Ndele Noa okwa li e na ovana ovamati vatatu: Sem, Ham naJafet.

GENESIS 7:1

Ndele Omwene okwa lombwela Noa ta ti: “Inda mongulu yomomeva, ove neumbo loye alishe, osheshi ove onde ku mona omuyuki koshipala shange mepupi eli.

2 SAMUEL 22:24

Ndelenee ame nda li ndimuyuki moipafi yaye. Ndele nda lungama ndiha nyone.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

2 OMAFIMBO 15:17

Oikulundu yokuyambela yomuIsrael inai xula po, ndelenee omutima waAsa wa li inau tukauka pomafiku aye aeshe.

2 OMAFIMBO 25:2

Nokwa ninga osho sha yuka moipafi yOmwene, ndelenee hanomutima aushe.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

JOB 1:8

NOmwene ta pula Satana: “Ove wa didilika tuu omupiya wange Job? Osheshi kombada yedu kaku na nande umwe ngaashi ye: omulumenhu ehe noshipo, nomuyuki ndele ta tila Kalunga ndele ta kukuma owii.”

JOB 12:4

Aame oshiyolifa sho kaume kange, ame ou nda ifana Kalunga ndele a uda nge. Omuyuki nomuhenashipo a ninga oshiyolifa.

OMAPSALOME 37:37

Lilonga komuhaya, tala kovayuki, osheshi efimbo lokomesho tali ka kala lomulumenhu omunambili.

OMAPSALOME 37:39

Ekwafo lovayuki otali di kOmwene, Oye ohotengulu yavo mefimbo lomaudjuu;

OMAYELETUMBULO 4:18

Fimbo elila lovayuki li li ngaashi eluwa tali tende, lo tali eta ouyelele tau hapupala fiyo omutenya tau tu,

OMUUDIFI 7:20

Osheshi kombada yedu kape na nande omunhu omuyuki, ou ha ningi ngeno ouwa auke, ndele ita nyono.

HESEKIEL 14:14

nonande ovalumenhu aveshe ava vatatu, Noa, Daniel naJob va kale ngeno mokati kasho, vo otave lixupifile eemwenyo davo adike, Omwene Kalunga ta ti.

HESEKIEL 14:20

nande Noa, Daniel naJob va kale musho, oshili ngaashi ndi nomwenyo, Omwene Kalunga ta ti, vo itava ka xupifa nande ovana vavo ovamati ile oukadona. Vo otava xupifa eemwenyo davo vene adike molwouyuki wavo.”

HABAKUK 2:4

“Tala, omwenyo waye we linenepeka noinau yuka. Ndelenee omuyuki ta ka kala e nomwenyo keitavelo laye.

LUKAS 1:6

Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

LUKAS 2:25

Ndele tala, muJerusalem omwa li mu nomunhu edina laye Simeon, omuyuki nokwa tila Kalunga, onakuteelela ehekeleko laIsrael, nOmhepo Iyapuki ya kala muye.

LUKAS 23:50

Ndele tala, omukwashiongalele shovakulunhu, omulumenhu muwa omuyuki, edina laye Josef,

OILONGA YOVAYAPOSTOLI 10:22

Ndele vo ova tya: “Omunefele Kornelius, omulumenhu omuyuki nomutilikalunga, ou ta fimanekwa koshiwana ashishe shaJuda, okwa lombwelwa komweengeli muyapuki memoniko, e ku ifane u ye keumbo laye, a ude eshi u shi kwete shokupopya.”

OVAROMA 1:17

Osheshi mulo ouyuki waKalunga otau holoka omeitavelo nokeitavelo, ngaashi pa shangwa: Omuyuki ota ka kala e nomwenyo meitavelo.

OVAGALATI 3:11

Nokape na ou ta yukipalifwa koshipala shaKalunga omolwomhango: “Apa kape nomalimbililo, osheshi omuyuki ota kala e nomwenyo okeitavelo.”

DEUTERONOMION 18:13

Omwene Kalunga koye u noku mu diinina shili.

OVAHEBERI 11:7

Meitavelo Noa, eshi a shiivifilwa inya inai monika natango, metilo liyapuki okwa tunga ongulu yomomeva, a xupife eumbo laye, nomeitavelo okwa tokola ounyuni nokwa ninga omufyuululi wouyuki tau di meitavelo.

1 PETRUS 2:5

nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus.

2 PETRUS 2:5

Nounyuni winya wonale ine u fya eenghoto, nande a amena Noa, omuudifi wouyuki navakwao vaheyali, eshi a yelulifa ounyuni wovahenakalunga eyelu.