GENESIS 6:7 - Ombibeli Iyapuki

⁷ Ndele Omwene okwa tya: “Ovanhu ava nda shita onda hala oku va komba po kombada yedu, heeno, ovanhu noimuna yo, noialangati needila dokeulu. Osheshi otashi yehameke nge, eshi nde va ninga.”

GENESIS 6:7 ပူးပေါင်းရင်းမြစ်များ

GENESIS 6:6

onghee Omwene okwe lialuluka eshi a ninga omunhu kombada yedu, ndele Ye ta yehama momutima waye.

GENESIS 7:21

Ndele ombelela aishe ya li kombada yedu oya fya: eedila noimuna noifitukuti noipuka ei hai nyangadala kombada yedu, novanhu aveshe.

GENESIS 7:4

Osheshi oku na omafiku aheyali natango opo nee Ame ohandi ka lokifila edu alishe odula omafiku omilongo nhee oufiku nomutenya, ndele handi ka komba po kombada yedu oinamwenyo aishe ei nda ninga.”

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

OMAPSALOME 37:20

Ndelenee ovalunde otava nyonauka po, novatondi vOmwene otava pu po ngaashi ewapalo loimeno yomomatunda, tava di po ngaashi omwifi.

OMAYELETUMBULO 10:27

Okutila Omwene taku hapupalifa omafiku, ndelenee omido dovahenakalunga tadi xupipikwa.

OMAYELETUMBULO 16:4

Oinima aishe Omwene e i lilongelela, nosho yo omuhenakalunga okwe mu shitila efiku lomupya.

JESAJA 27:11

Oitai ngeenge ya kukuta otai tyavwa, ovakainhu otave uya ndele tava shakala omundilo; shaashi ovanhu ava vehe na omayele, onghee Omushiti wavo ite va file onghenda, naau e va ma, ite va etele olukeno.

HOSEA 4:3

Onghee edu tali nyika oluhodi naashishe shi li mo osha loloka: oifitukuti yomofuka needila dokeulu, heeno, noikwameva yo otai xulu po.

AMOS 7:3

Opo nee Omwene e lialuluka moshinima eshi. Omwene ta ti: “Itashi ka ningwa.”

AMOS 7:6

Omwene okwe lialuluka moshinima eshi. “Naashi yo itashi ka ningwa,” Omwene Kalunga osho ta ti.

SEFANIA 1:18

Oshingoldo noshisiliveli shavo itashi dulu oku va xupifa mefiku loupyuhandu wOmwene. Ndelenee omundilo wouladi waye otau ka lungwinifa po edu alishe. Osheshi ehanauno nexulilo lombadilila ote li undulile oonakukalako aveshe kombada yedu.

SEFANIA 1:2

“Ame ohandi ka komba po oinima aishe kombada yedu, Omwene ta ti.

SEFANIA 1:3

Ame ohandi ka komba po ovanhu noifitukuti, ohandi ka komba po eedila dokeulu neeshi domefuta noipundukifo pamwe novadinikalunga. Heeno, Ame ohandi ka hanauna po ovanhu kombada yedu, Omwene osho ta ti.

DEUTERONOMION 28:63

NOmwene ngaashi e mu hafela shito nokwe mu ningila ouwa, ndele e mu hapupalifa, osho ngaha Omwene te ke mu hafela oku mu hanauna po noku mu mana po; ndele tamu ka kufwa mo moshilongo osho tamu i mo mu ke shi nangale.

DEUTERONOMION 29:20

Omwene ita hale oku mu dimina po, ndelenee ehandu nouladi wOmwene tau xwamene omulumenhu ou, netulomutima alishe olo la shangelwa mo membo eli, tali ya kombada yaye, nOmwene ta ka dima po edina laye koshi yeulu.

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.