GENESIS 5:4 - Ombibeli Iyapuki

⁴ Ndele efimbo laAdam, eshi a dala Set, ola li omido omafele ahetatu. Ndele ye okwa li e na ovana ovamati noukadona.

GENESIS 5:4 ပူးပေါင်းရင်းမြစ်များ

GENESIS 1:28

Ndele Kalunga okwe va nangeka noupuna, nokwe va lombwela: “Dalafaneni nokuhapupala ndele yadifeni edu, lo nali kale mepangelo leni, ndele pangeleni oinamwenyo yomefuta needila dokeulu noinamwenyo aishe tai linyenge kombada yedu.”

GENESIS 11:12

Omido daArpaksad eshi da li omilongo nhatu nanhano, okwa dala Shela;

GENESIS 5:10

Ndele Enos eshi a dala Kenan, okwa kala natango nomwenyo omido omafele ahetatu nomulongo nanhano. Ndele ye okwa dala ovana ovamati noukadona.

GENESIS 5:13

Ndele Kenan eshi a dala Mahalalel okwa kala natango nomwenyo omido omafele ahetatu nomilongo nhee. Ndele ye okwa dala ovana ovamati noukadona.

GENESIS 5:19

Ndele Jared eshi a dala Henok okwa kala nomwenyo natango omido omafele ahetatu. Ndele ye okwa dala ovana ovamati noukadona.

GENESIS 5:22

Ndele Henok eshi a dala Metusala okwa li ha ende pamwe naKalunga omido omafele atatu. Ndele ye okwa dala ovana ovamati noukadona.

GENESIS 5:26

Ndele Metusala eshi a dala Lamek, okwa kala nomwenyo natango omido omafele aheyali nomilongo hamano nomugoi, ndele ye okwa dala ovana ovamati noukadona.

GENESIS 5:3

Omido daAdam eshi da li efele limwe nomilongo nhatu, ye okwa dala omona okamati oshifefa shaye, ndele okwe mu luka Set.

GENESIS 5:30

Ndele Lamek eshi a dala Noa, okwa kala nomwenyo natango omido omafele atano nomilongo omugoi nanhano, ndele ye okwa dala ovana ovamati noukadona.

GENESIS 5:5

Osho hano efimbo olo alishe Adam a kala nomwenyo, ola li omido omafele omugoi nomilongo nhatu, eshi ye a fya.

GENESIS 5:7

Ndele Set eshi a dala Enos, okwa kala nomwenyo natango omido omafele ahetatu nomido heyali. Ndele ye okwa li e na ovana ovamati noukadona.

GENESIS 9:1

Ndele Kalunga okwa nangeka noupuna Noa novana vaye ovamati ndele okwe va lombwela ta ti: “Dalafaneni, hapupaleni, nye mu yadife edu.

GENESIS 9:7

Ndelenee nye dalafaneni mu hapupale. Tandaveleni kombada yedu nye mu hapupale mulo.”

OMAPSALOME 127:3

Heeno, ovana ovamati ovo oshali yOmwene, nokumona oludalo osho ondjabi iwa.

OMAPSALOME 144:12

Ovamati vetu meenghono dounyasha wavo ova fa eengudi domiti da kulifwa dile; oukadona vetu ove li ngaashi eengudi da ndodolwa nawa domomakuluumbo a dikikika.