GENESIS 5:22 - Ombibeli Iyapuki

²² Ndele Henok eshi a dala Metusala okwa li ha ende pamwe naKalunga omido omafele atatu. Ndele ye okwa dala ovana ovamati noukadona.

GENESIS 5:22 ပူးပေါင်းရင်းမြစ်များ

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 24:40

Ndele ye okwa nyamukula nge: ‘Omwene, moipafi yaye ame nda kala nokweenda, ota ka tuma omweengeli waye pamwe naave, ndele Ye ote ku monifa elao mondjila yoye, opo u shiive okweetela omumwange omwalikadi mepata letu nomeumbo latate,

GENESIS 48:15

Ndele ye okwa nangeka noupuna Josef, ndele ta ti: “Kalunga, Oove Kalunga ootatekulu Abraham naIsak, va endaenda koshipala shoye, Kalunga, ou wa li Omufita wange, okudja kokudalwa kwange fiyo onena eli,

GENESIS 5:21

Ndele omido daHenok eshi da li omilongo hamano nanhano, okwa dala Metusala.

GENESIS 5:23

Osho hano omido adishe daHenok da li omafele atatu nomilongo hamano nanhano.

GENESIS 5:24

Ndele Henok okwa enda pamwe naKalunga. Ndele ye ina monika vali, osheshi Kalunga okwe mu kufa po.

GENESIS 6:9

Omahepaululo epata laNoa. Noa okwa li omulumenhu omuyuki nokwa li ehe na etimba mokati kovanhu vomounyuni waye. Noa okwa enda pamwe naKalunga.

1 EEHAMBA 2:4

Omwene opo a wanife ondjovo yaye, Ye a lombwela nge, nokutya: Ovana voye ovamati ngeenge tava pashukile ondjila yavo mokudiinina okweenda koshipala shange nomitima davo adishe neemwenyo davo adishe, opo nee omulumenhu ita ka pumba ou ta ka kala omutumba kolukalwapangelo laIsrael.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

OMAPSALOME 116:9

ohandi ende koshipala shOmwene medu lovanamwenyo.

OMAPSALOME 128:1

Keshe tuu ou ha tila Kalunga nota ende meendjila daye, oye omunelao.

OMAPSALOME 16:8

Alushe ohandi kwatele Omwene koshipala shange; eshi Ye e li kolulyo lange, ihandi tengauka.

OMAPSALOME 26:11

Ndelenee ame ohandi ende mouyuki wange, mangulule nge nokufila nge onghenda.

OMAPSALOME 56:13

Osheshi Ove wa xupifa omwenyo wange mefyo, neemhadi dange mokupunduka, ame ndi ende koshipala shaKalunga omouyelele wovanamwenyo.

OMAPSALOME 86:11

Omwene, ulikile nge ondjila yoye, ame ndi ende moshili yoye, omutima wange u mangeleka mokutila edina loye.

EXODUS 16:4

Opo nee Omwene okwa lombwela Moses ndele ta ti: “Tala, Ame ohandi ke mu lokifila omungome tau di keulu. Opo ovanhu tava dulu okupita mo nokuliongela eendja defiku keshe, Ame ndi shiive oku va yeleka ngeenge tava ende tuu momhango yange ile ahowe.

EIMBILOELELA 1:4

Shile nge, natu endeleleni! Ohamba ya twala nge meenduda dayo domeni. Fye twa hala okunyakukwa noku ku hafela, nokufimaneka kwetu ohole yoye ku dule okufimaneka omaviinyu. Owa wana ve ku hole.

HOSEA 14:9

Olyelye omunandunge ndele ta udu oinima ei? Olyelye omunamayele ndele ta koneke ei? Osheshi eendjila dOmwene da yuka. Novayuki ohava ende nado, ndelenee ovahenakalunga ohava pundukile mudo.

LEVITIKUS 26:12

Naame ohandi ka enda mokati keni nokukala Kalunga keni, nanye otamu ka kala ovanhu vange.

AMOS 3:3

Vavali otava kala tuu nokweenda pamwe, fimbo inava udafana tete?

MIKA 4:5

Osheshi oiwana aishe tai kala nokweenda, keshe shimwe, medina laKalunga kasho, ndelenee fye ohatu ka kala nokweenda medina lOmwene Kalunga ketu alushe fiyo alushe.

MIKA 6:8

Omunhu ove, Ye okwe ku shiivifila eshi shiwa. Nashike shimwe Omwene ta pula kwoove kakele nokutya u ninge eshi sha yuka nokuhola efilonghenda nokweenda nelininipiko pamwe naKalunga koye?

MALAKIA 2:6

Elongo la yuka la kala mokanya kaye. Noipupulu inai monika momilungu daye. Ye okwa enda pamwe naame nombili nonouyuki, ndele ovanhu vahapu ye e va alula mowii.

LUKAS 1:6

Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

OILONGA YOVAYAPOSTOLI 9:31

Opo nee eongalo alishe lomuJudea ashishe nolomuGalilea nolomuSamaria ola li li nombili, ndele fimbo tali litungu mokweenda metilo lOmwene nomokupopilwa kOmhepo Iyapuki, ola hapupala.

OVAROMA 8:1

Hano paife kape netokolo lokukanifa ava ve li muKristus Jesus, ava itava ende pambelela, ndelenee lopaMhepo.

1 OVAKORINTO 7:17

Ndelenee keshe omunhu na kale nokweenda ngaashi Omwene e mu pa, mwaai Kalunga e mu ifanena. Nelombwelo eli handi lombwele omaongalo aeshe.

2 OVAKORINTO 6:16

Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”

OVAEFESO 5:15

Litaleni hano nawa nhumbi hamu ende, hangaashi omalai, ndelenee ongaashi ovanaendunge;

DEUTERONOMION 13:4

Nye mu nokushikula Omwene Kalunga keni noku mu tila nokudiinina oipango yaye, nokupwilikina ondaka yaye noku mu longela nokukanyatela muye.

DEUTERONOMION 28:9

“Omwene ote ke ku likalekela oshiwana shiyapuki, ngaashi Ye e shi ku anenene, ove ngeenge to diinine oipango yOmwene Kalunga koye, ndele to ende neendjila daye.

DEUTERONOMION 5:33

Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.

OVAKOLOSSI 1:10

okweenda kweni opo ku wapalele Omwene, mu mu hafife mwaaishe shili nokwiimika oiimati moshilonga keshe shiwa, nokukula mokushiiva Kalunga,

OVAKOLOSSI 4:5

Mokweendafana naava ve li pondje kaleni mu neendunge nokukoneka efimbo liwa.

1 OVATESSALONIKI 2:12

noku mu kunghilila shili, mu ende ngaashi sha wapalela Kalunga, ou e mu ifanena mouhamba waye nomoshinge shaye.

1 OVATESSALONIKI 4:1

Ndele natango, ovamwatate, ohatu mu ilikana nohatu mu kumaida mOmwene Jesus, mu kule muyo natango, nhumbi mu nokweenda nokukala mwa wapalela Kalunga, ngaashi hamu ende paife.

1 JOHANNES 1:7

Ndele ngeenge hatu ende mouyelele ngaashi ye ha kala mouyelele, opo tu nekwatafano mokati ketu, nohonde yOmona waye, Jesus Kristus, otai tu kosho omatimba aeshe.