GENESIS 48:7 - Ombibeli Iyapuki

⁷ Ndele ame eshi nda dja muPaddan, Rakel okwa fila moshilongo shaKaanan mondjila, eshi pa li ashike okanano kanini okufika kuEfrat.” Oko nde mu paka pomunghulo wondjila yokuya kuEfrat nokutya, Betlehem.

GENESIS 48:7 ပူးပေါင်းရင်းမြစ်များ

GENESIS 25:20

Nomido daIsak oda li di fike pomilongo nhee ye eshi a hombola Rebeka, omona okakadona kaBetuel, Omuaram womuPaddan-Aram, mumwaina waLaban, Omuaram.

GENESIS 33:18

Ndele Jakob okwa fika nawa koshilando shaSekem, moshilongo shaKaanan, eshi a dile muPaddan-Aram. Nokwa onga onhanda komesho yoshilando.

GENESIS 35:20

Ndele Jakob okwa dikila ko edimbulukifomanya kombila yaye. Fiyo onena eli edimbulukifomanya lokombila yaRakel opo li li.

GENESIS 35:9

Opo nee Kalunga okwe lihololela vali Jakob, ye eshi a alukila kuPaddan-Aram, ndele okwe mu nangeka noupuna.

GENESIS 48:6

Ovamwoye we va dala va shikula venya, ovoye. Oitukulilwa yaavenya otai lukilwa ovamwaxe.

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

MATEUS 2:18

“Eweelelo tali udika muRama, ekwenauko linene neenghali. Rakel ta lilile ounona vaye, ye ina hala okuhekelekwa osheshi kave po vali.”

RUT 1:2

Edina lomulumenhu oElimelek, nedina lomwalikadi waye Naomi, nomadina ovana vaye ovamati vavali: Mahlon naKiljon. Vo Ovaefrat vomuBetlehem shomuJuda, ndele ve uya medu laMoab ndele oko va kala.

1 SAMUEL 1:1

MuRamataim omwa li omulumenhu Omusufi, wokeemhunda daEfraim, edina laye Elkana yaJeroham yaElihu yaTohu yaSuf Omuefrat.

1 SAMUEL 10:2

Nena, eshi to di po pwaame, oto ka shakena novalumenhu vavali pombila yaRakel pongaba yaBenjamin muSelsah, ovo tave ku lombwele: ‘Eendongi edi wa ka kongele, oda monika.’ Ndele tala, xo ita diladila vali eendongi, ndelenee e noshisho sheni ndele ta pula: ‘Omumwange ohandi mu ningi ngahelipi?’

1 SAMUEL 16:4

Ndele Samuel a ninga ngaashi Omwene e mu lombwela. Ndele ye eshi e uya kuBetlehem, ovakulunhu voshilando ve uya nokukakama tave mu shakeneke ndee tava pula: “Euyo loye olombili tuu?”

1 SAMUEL 17:12

Ndelenee David okwa li omona wOmuefrat womuBetlehem shomuJuda, edina laye Isai. Ye okwa li e na ovana ovamati vahetatu, ndele pefimbo laSaul omulumenhu ou okwa li a kulupa, omido daye da li dihapu.