GENESIS 48:4 - Ombibeli Iyapuki

⁴ ndele okwa lombwela nge ta ti: ‘Tala, Ame ohandi ke ku dalifa oludalo ndele handi ku hapupalifa ndele to ningi eemhunga doiwana, noludalo loye ohandi li pe edu eli, li ninge lavo fiyo alushe.’

GENESIS 48:4 ပူးပေါင်းရင်းမြစ်များ

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

GENESIS 17:13

ou a dalelwa meumbo loye naau we mu landa noimaliwa, oku na okupita etanda. Osho ngaha ehangano lange tali didilikwa mombelela yeni ngaashi ehangano laalushe.

GENESIS 17:6

Ndele Ame ohandi ku pe oludalo lihapu unene: Ame ohandi ke ku ninga oiwana, neehamba otadi ka holoka mwoove.

GENESIS 17:8

Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

GENESIS 26:4

Ndele Ame ohandi ka hapupalifa oludalo loye li fike peenyofi dokeulu, noludalo loye ohandi ke li pa oilongo ei, nomoludalo loye oiwana aishe yokombada yedu otai ka nangekwa noupuna.

GENESIS 28:3

Ndele Kalunga Omunaenghono adishe ne ku nangeke noupuna, ne ku pe oludalo noku ku hapupalifa, opo mwoove mu dje oiwana.

GENESIS 32:12

Oove mwene wa tile: ‘Oshili Ame ohandi ke ku ningila ouwa nokuhapupalifa oludalo loye li fike pefuta, lo itali dulu okuvalwa molwouhapu walo.’ ”

GENESIS 35:11

Kalunga okwe mu lombwela vali ta ti: “Aame Kalunga Omunaenghono adishe. Kala u na oludalo u hapupale. Oshiwana, heeno, oiwana tai ka dja mwoove neehamba tadi ka dja momatundji oye.

GENESIS 46:3

Opo nee Ye okwa tya: “Aame Kalunga, Kalunga kooxo. Ino tila okuya kuEgipiti, osheshi oko handi ke ku ningila oshiwana shinene.

GENESIS 47:27

Israel okwa kala moshilongo shaEgipiti, moshikandjo Gosen. Ndele vo ova li ve na omapya ndele va hapupala, va dalafana vahapu vahapu.

OMAPSALOME 127:3

Heeno, ovana ovamati ovo oshali yOmwene, nokumona oludalo osho ondjabi iwa.

EXODUS 1:11

Opo nee vo ova pewa ovapashukili oku va hepeka noilonga idjuu. Ndele vo ova tungila Farao oituvikilwalando Pitom naRamses.

EXODUS 1:7

Ndelenee Ovaisraeli va li ve noludalo ndele va ninga vahapu, ndele va hapupala ndele va ninga vahapu neenghono nova yadifa oshilongo.

HESEKIEL 37:25

Ndele vo otava ka kala medu nde li pele omupiya wange Jakob, mulo ooxekulu yavo va kala. Heeno, vo otava ka kala mulo, novana vavo novatekulu vavo fiyo alushe. Nomupiya wange David ta ka kala ohamba yavo fiyo alushe.

LEVITIKUS 26:9

Noshipala shange ohandi ke shi mu taalelifila ndele handi mu pe oludalo ndele tamu hapupala. Nehangano lange nanye Ame ohandi ke li pameka.

DEUTERONOMION 32:8

Ou wOkombadambada, eshi a tukulila oiwana oitukulwafyuululwa yavo, Ye eshi a tongola ovana vovanhu, opo nee Ye a taula eengaba doiwana, di fike pomuvalu wOvaisraeli.