GENESIS 48:10 - Ombibeli Iyapuki

¹⁰ Ndelenee omesho aIsrael a li a twika oshiwiwili molwoukulupe, ke wete ko. Ndele Josef eshi e va eta kuye, ye okwe va fipa komilungu nokwe va papatela momaoko.

GENESIS 48:10 ပူးပေါင်းရင်းမြစ်များ

GENESIS 27:1

Isak eshi a kulupa nomesho aye a wiwika, ita shiiva okumona ko, ye okwa ifana oshiveli shaye, Esau, ndele te shi lombwele ta ti: “Mumwange!” Ndele sho oshe mu nyamukula: “Aame ou!”

GENESIS 27:27

Ndele ye okwa ehena kuye nokwe mu fipa komilungu. Opo nee ye okwa nyika edimba loikutu yaye ndele okwe mu nangeka noupuna ndele ta ti: “Tala, edimba lomumwange ongaashi edimba lomufitu, ou wa nangekwa noupuna kOmwene.

GENESIS 31:55

Ndelenee ongula inene Laban okwa penduka ndele okwa fipa ovana vaye ovamati novana vaye oukadona komilungu ndee okwe va nangeka noupuna. Opo nee Laban okwa fikama ndele okwa shuna konhele yaye.

GENESIS 45:15

Ndele ye okwa fipa ovamwaxe aveshe komilungu nokwe va papatela nomaoko ndee okwa lila. Ndele konima ovamwaxe ova popya naye.

GENESIS 48:11

Ndele Israel okwa lombwela Josef: “Ame kanda li nde shi diladila vali okumona oshipala shoye, ndele tala, Kalunga okwa monifa nge oludalo loye yo.”

GENESIS 48:8

Israel eshi a mona ovana ovamati vaJosef okwa tya: “Ovo oolyelye?”

1 EEHAMBA 19:20

Opo nee a efa eengobe daye nokwa shikula Elia ndele ta ti: “Lekele nge manga, ndi ka fipe komilungu datate nameme. Opo ndele handi ku shikula.” Ndele ye te mu nyamukula: “Inda, ndele aluka, u shi shii osho nde shi ku ningila?”

OMUUDIFI 12:3

fimbo efiku tuu olo inali uya, ovanangeli vongulu tava kakama, novalumenhu ve neenghono tava ende omwoodimba, novatwi va efa okutwa, shaashi va ninga vanini, naava hava talele momakende, ove li momulaulu,

JESAJA 59:1

Tala, eke lOmwene inali xupipala okukwafa, nomatwi aye inaa fita okuuda ko,

JESAJA 6:10

Kukutika omutima woshiwana eshi, fitika omatwi asho, twikifa omesho asho, opo shiha mone ko nomesho asho, shiha ude ko nomatwi asho, shiha koneke komutima washo, opo shihe lidilulule noshi ha velulwe.”

DEUTERONOMION 34:7

Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala.

1 SAMUEL 3:2

Mefimbo linya, fimbo Eli a nangala monhele yaye, omesho aye a hovela okutwika, ye ita dulu vali okumona ko,

1 SAMUEL 4:15

Omido daEli da li 98, nomesho aye a kulupa, ye ke wete ko vali.