GENESIS 45:2 - Ombibeli Iyapuki

² Nokwa hovela okulila pombada, Ovaegipiti nomalenga aFarao ove mu uda.

GENESIS 45:2 ပူးပေါင်းရင်းမြစ်များ

GENESIS 42:24

Opo nee ye okwa dja po puvo nokwa lila. Komesho ye okwa aluka kuvo nokwa popya navo. Ndele ye okwa kufa Simeon mokati kavo ndele te mu mangifa moipafi yavo.

GENESIS 43:30

Josef okwa dja mo diva, osheshi omwenyo waye otau pi molwamumwaina. Ye okwa konga omhito yokulila, ndele ta i mondjuwo ndele omo a lilila.

GENESIS 45:14

Opo naye okwa papatela omumwaina Benjamin mofingo ndele ta lili, naBenjamin yo okwa lilila mofingo yaye.

GENESIS 45:15

Ndele ye okwa fipa ovamwaxe aveshe komilungu nokwe va papatela nomaoko ndee okwa lila. Ndele konima ovamwaxe ova popya naye.

GENESIS 46:29

Opo nee Josef okwa manga etemba laye, nokwa ya kuGosen a ka shakene naxe Israel. Ndele ye eshi a fika kuye, okwe mu dingatela mofingo nokwa lilila lule mofingo yaye.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

NUMERI 14:1

Opo nee eongalo alishe la hovela okupopyaana nokukema novanhu va lila oufiku aushe.

OILONGA YOVAYAPOSTOLI 20:37

Ndele vo aveshe ova lila nokulililila nova dingatela kofingo yaPaulus, ndele ve mu fipa komilungu,

RUT 1:9

Omwene ne shi mu wanifile mu mone onhele yetulumuko keshe umwe womeumbo lomulumenhu waye. Nokwe va xupita. Ndelenee vo ova yelula ondaka yavo ndele tava lili,