GENESIS 4:14 - Ombibeli Iyapuki

¹⁴ Tala, ove oto taataa nge paife mepya ndele ame ndi na okuhondama oshipala shoye. Ame ohandi ningi epongo nomutewatewi kombada yedu, nakeshe tuu ou ta mono nge, ota ka dipaa nge.”

GENESIS 4:14 ပူးပေါင်းရင်းမြစ်များ

GENESIS 3:24

Osho hano Ye a taataa omunhu ndele ta tula ovakerubi koushilo woshikunino shaEden, ve na omaongamukonda a xwama omundilo taa taima vo va kelele omhito yokuya komuti womwenyo.

GENESIS 4:13

Opo nee Kain ta ti kOmwene: “Etimba lange olinene unene nokuhumbata.

2 SAMUEL 14:7

“Ndele tala, epata alishe la fikama okukondjifa omupiya woye omukainhu ndele tali ti: ‘Yandja nakudipaa mumwaina, tu mu dipaele omwenyo womumwaina ou e mu dipaa po, nanakufyuulula tu mu teye po yo.’ Osho ngaha va hala okudima po ekala nde li xupifilwa, omulumenhu wange aha xupifilwe edina ile oludalo kombada yedu.”

OMAPSALOME 109:10

oludalo laye nali tembavauke nokweehelavaela, okukonga eendja komakulekule komakuluputu oyuumbo yavo.

OMAPSALOME 109:12

ina mona nande ou, te mu fi eenghoto, po inapa monika ou ta kenukile eefiye daye.

OMAPSALOME 143:7

Omwene, endelela, ude nge! Omhepo yange oya notelwa, ino holeka nge oshipala shoye, ndiha fe ava, va ya nale mombila.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMAYELETUMBULO 28:1

Ovahenakalunga tava i onhapo nande kaku na ou te va taataa. Ndelenee ovayuki ve nouladi ngaashi onghoshi yonyasha.

JESAJA 8:22

ndele tava tale pedu, ndele tala, ope noudjuu womeni nomulaulu auke, ndele tava ka undulilwa mepolimano nomomulaulu fokofoko. Itaku ka kala vali omhito yokuhenuka oudjuu ou.

JEREMIA 52:3

Omolwehandu lOmwene Jerusalem naJuda ya monifwa oixuna, fiyo Omwene e va ekelashi koshipala shaye. Ndele Sedekia okwa kala nokutwa ondubo nohamba yaBabilon.

HOSEA 13:3

Onghee vo otava ka kala ngaashi oshilemo shongula nongaashi omume hai kashe diva, ngaashi olungu lokoshipale, hali i omhepo, nongaashi omwifi hau piti mekende.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

LEVITIKUS 26:36

Ndele venya tava ka fyaala mo mokati keni, Ame ohandi ke va pa momitima davo omahaluhalu medu lovatondadi valo nokulinyenga kwefo likukutu taku va twala onhapo. Ndele vo otava ka ya onhapo ngaashi omunhu ta i onhapo eongamukonda, ndele tava wile po nande kapehe na umwe te va taataa.

NUMERI 35:19

Omupuli wetimba e nokudipaa omudipaielela. Ye eshi te mu hange, ye e noku mu dipaa.

NUMERI 35:21

ile te mu denge mehandu enghava, nomunhu ta fi, opo ou a denga, e nokudipawa shili. Ye omudipaielela. Omupuli wetimba e noku mu dipaa ngeenge e mu mono.

NUMERI 35:27

nomupuli wetimba te mu hange pondje yongaba yoshihondamenolando shaye, nomupuli wetimba te mu dipaa, opo nee ye ke netimba.

MATEUS 25:41

“Opo nee ota lombwele venya vokolumosho laye: ‘Djeni po pwaame, onye ovafingwa, mu ye momundilo waalushe wa longelwa Satana novaengeli vaye.

MATEUS 25:46

Ndele ava tava i mokuhandukilwa kwaalushe, ndele ovayuki omomwenyo waalushe.”

DEUTERONOMION 28:64

NOmwene ote ke mu undwila moiwana aishe, komunghulo umwe wounyuni fiyo okomunghulo mukwao wounyuni; ndele oko tamu ka longela oikalunga imwe, oshiti nemanya, inai shiivika kooxo.

DEUTERONOMION 28:65

Ndele mokati koiwana ito ka mona etulumuko nande, ndele omhadi yoye itai ka mona onhele yetulumuko. Ndelenee Omwene te ku pe omutima tau kakama, nomesho a ilauka, nomwenyo u noluhodi.

2 OVATESSALONIKI 1:9

Ovo tava ka wilwa kehandu nokenyonauko laalushe tali di koshipala shOmwene nokefimano leenghono daye,