GENESIS 39:5 - Ombibeli Iyapuki

⁵ Ndele okudja kefiku tuu olo ye eshi e mu ninga elenga leumbo laye alishe noloinima yaye aishe, Omwene okwa nangeka noupuna eumbo lOmuegipiti molwaJosef. Heeno, enangeko noupuna lOmwene la li mwaaishe yaye meumbo nomomapya.

GENESIS 39:5 ပူးပေါင်းရင်းမြစ်များ

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

GENESIS 19:29

Ndele eshi Kalunga a hanauna po oilando yomefilu laJordan, okwa dimbulukwa Abraham, ndele a pitifa mo Lot mehanauno, eshi Ye a hanauna po oilando omo mwa li Lot.

GENESIS 30:27

Opo nee Laban e mu nyamukula ndele ta ti: “Ngeno ndi filwe onghenda momesho oye, osheshi ame onde shi koneka nokutya, Omwene okwa nangeka nge noupuna molwoye.”

OMAPSALOME 21:6

Fiyo alushe owe i tula po i ninge enangeko noupuna, nowe i hafifa nenyaku linene koshipala shoye.

OMAPSALOME 72:17

Edina layo nali kale po fiyo alushe, fimbo oku netango, edina layo nali twalwatwalwe, opo oiwana aishe i nangekwe noupuna muyo noku i pandula yo i nelao.

OILONGA YOVAYAPOSTOLI 27:24

Ye okwa tya: ‘Paulus ino tila, ove ou nokuya koshipala shomukesari, ndele tala, Kalunga e ku pa aveshe ava tava ende pamwe naave.’

OVAEFESO 1:3

Kalunga naXe yOmwene wetu Jesus Kristus na hambelelwe, Oye ou e tu nangeka noupuna nomapuniko aeshe opamhepo moikwaulu omuKristus,