GENESIS 38:14 - Ombibeli Iyapuki

¹⁴ Opo nee ye okwe lidula oikutu youfiyekadi waye nokwe liuvikila oshiuvikifo nokwe lidingila nasho. Ndele ye okwa ya a ka kale omutumba poshivelo shaEnaim, shi li pondjila yaTimna. Osheshi ye okwa mona nokutya Shela okwa kula, ndelenee ye ine mu pewa omwalikadi waye.

GENESIS 38:14 ပူးပေါင်းရင်းမြစ်များ

GENESIS 24:65

ndele ta ti komupiya: “Omulumenhu olyelye ou te tu shakeneke mealala?” Nomupiya okwa nyamukula ta ti: Oye mwene wange. Opo nee Rebeka okwa kufa oshikaiwa ndele okwe liuvika.

GENESIS 38:15

Juda eshi e mu mona, okwa li e shi ye omulandifi woipala, shaashi okwa uvika oshipala shaye;

GENESIS 38:19

Ndele omukainhu okwa penduka ndele okwa ya ndee te lidula oshiuvikifo ndele ta djala oikutu yaye youfiyekadi.

GENESIS 38:26

Ndele Juda okwe i tala ndele ta ti: “Ye omuyuki e dule nge, osheshi ame inandi mu pa omumwange omumati Shela.” Ndele ye ina endafana vali naye.

OMAYELETUMBULO 7:10

ndele tala omukainhu umwe te mu shakeneke, a djala ngaashi omuholi woipala e nomutima tau hongaula.

OMAYELETUMBULO 7:12

ta i pondje, natango ta i meendabo, ndele ta kala ofika pokolonela keshe ndele ta nangele.

JEREMIA 3:2

Lyaamena koikulundudu ove u tale. Openi ino nangalelwa ko? Owe va kalela omutumba peendjila ngaashi Omuarabi mombuwa, noshilongo osha nyatekwa koipala nokoulunde woye.

HESEKIEL 16:25

Peshakeneno keshe ove wa tunga oshikulundu shoye ndele ouwa woye we u fifa ohoni, noito fyohoni okupandjulila omutokoli po keshe omaulu oye, ndele ove wa hapupalifa oluhaelo loye.