GENESIS 38:10 - Ombibeli Iyapuki

¹⁰ Ndele eshi sha ningwa kuye, oshii momesho Omwene. Onghee Ye okwe mu efa a fye.

GENESIS 38:10 ပူးပေါင်းရင်းမြစ်များ

GENESIS 46:12

Novana ovamati vaJuda: Er naOnan naShela naPeres naSera. Ndelenee Er naOnan ova fila medu laKaanan. Novana ovamati vaPeres ova li Hesron naHamul.

2 SAMUEL 11:27

Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.

1 EEHAMBA 17:20

Nokwa indila Omwene ndele ta ti: “Omwene Kalunga kange, Ove wa etela ngahelipi omufiyekadi ou, ndi li puye ngaashi omunailongo, omupya, mokudipaa omona waye omumati?”

1 OMAFIMBO 2:3

Ovana ovamati vaJuda ovava: Er naOnan naShela, ava vatatu e va dalelwa komukainhu Omukaanan, omona okakadona kaSua. Ndele Er, oshiveli shaJuda, inashi wapalela Omwene, onghee hano e mu efa a fye.

1 OMAFIMBO 21:7

Noshinima eshi inashi yuka momesho aKalunga, onghee hano Ye a denga Ovaisraeli.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMAYELETUMBULO 24:18

Opo Omwene ehe shi dimbulukwe, ndele sho itashi yuka momesho aye, ndele ta kandula po puye ehandu laye.

JEREMIA 44:4

Ndele Ame onde mu tumina ovapiya vange ovaxunganeki efimbo keshe ndele nda tya: Inamu longa oixuna oyo, handi i tondo.

HAGGAI 1:13

Opo nee Haggai, omutumwa wOmwene okwa popifa ovanhu omolweenghundana dOmwene, ndele ta ti: “Omwene ota ti: Ame ndi li pamwe nanye!”

NUMERI 11:1

Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 22:34

Opo nee Bileam okwa nyamukula omweengeli ndee ta ti: “Ame nda nyona, osheshi inandi shiiva nokutya, ove ou li mondjila to kelele nge.” Ndelenee ondjila ei, ngeenge inai wapala momesho oye, ame ohandi shuna.

NUMERI 26:19

Ovana ovamati vaJuda ovo: Er naOnan, ndelenee vo ova fila medu laKaanan.

1 SAMUEL 2:25

Omunhu ngeenge ta nyono komukwao ota tokolwa komutokoli, ndelenee omunhu ngeenge ta nyono kOmwene, olyelye ta dulu oku mu popila?” Ndelenee vo inava pwilikina xe yavo, osheshi Omwene okwa li a hala oku va komba po.