GENESIS 37:4 - Ombibeli Iyapuki

⁴ Ovamwaxe eshi va mona nokutya, oku holike kuxe komesho yovamwaxe aveshe, vo ove mu tonda, ndele inava shiiva vali okupopya naye nombili.

GENESIS 37:4 ပူးပေါင်းရင်းမြစ်များ

GENESIS 27:41

Ndele Esau okwa tonda Jakob molwenangeko noupuna, olo xe e mu nangeka noupuna. Ndele Esau okwe lipopila momutima waye: “Omafiku okulila eefya datate ngeenge a fiki, mumwameme Jakob ohandi mu dipaa.”

GENESIS 37:11

Ndele ovamwaxe ove mu twila ondubo, ndelenee xe okwa dimbulukwa eendjovo odo.

GENESIS 37:5

Josef okwa twa yo ondjodi, ndee okwe i hepaululila ovamwaxe. Onghee tuu vo ve mu tonda unene.

GENESIS 4:5

ndele Ye ina tala Kain noiyandjiwa yaye. Opo nee Kain okwa handuka unene, ndele ta fidimike oshipala shaye.

GENESIS 49:23

Ovaumbi vomauta tave mu nangele, ndele tave mu umbu, ndele tave mu lwifa,

OMAPSALOME 38:19

Ndelenee ava tava lwifa nge oshimha, ovanaenghono, naava tava tondele nge oinima yongaho, ove li po vahapu.

OMAPSALOME 69:4

Ava tava tondo nge epwanga, ovahapu, ve dule omuvalu weexwiki dange, ovatondi vange otava dulu nge eenghono, tava kondjifa nge ndihe noushima, vo tava ti, nandi fute, eshi inandi shi nyeka ko.

JEREMIA 12:6

Osheshi novamwaxo neumbo laxo navo yo otava ende nomakoto naave, navo yo otave ku ingida pombada konima yoye. Ino ve lineekela nande nave ku popife noukaume.

MARKUS 3:25

Neumbo ngeenge tali litwile ondubo, eumbo olo itali kala po vali.

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

1 JOHANNES 2:11

Ndelenee ou ha tondo omumwaxe, oku li momulaulu ndele ta ende momulaulu ndele ke shi shii, apa ta i, osheshi omulaulu owa twikifa omesho aye.

1 JOHANNES 3:10

Opo tuu opo tapa shiivika ovana vaKalunga novana vaSatana. Keshe tuu ou iha longo ouyuki, oye ke fi womuKalunga, naau ehe hole omumwaxe.

1 JOHANNES 3:12

tuha fe Kain, ou a dja momunawii nokwa dipaa ondenge yaye. Okwe mu dipaela shike? Osheshi oilonga yaye oya li ii, ndele inya yondenge yaye oya li youyuki.

1 JOHANNES 4:20

Ngeenge ope na ou ta ti: Ame ondi hole Kalunga, ndele ta tondo omumwaxe, ye omunaipupulu. Osheshi ou ehe hole omumwaxe, nande e mu wete, oye ita dulu okuhola Kalunga ehe mu wete.

1 SAMUEL 17:28

Omukulu waye Eliab, eshi e mu uda ta popi novalumenhu, Eliab okwa handukila David ndee ta ti: “Omolwashike we uya oku: Nolyelye wa fiila okaufita keedi mombuwa? Oupwidi woye nowii womutima woye ondi u shii, shaashi we uya okutala olwoodi.”