GENESIS 32:9 - Ombibeli Iyapuki

⁹ Ndele Jakob okwa tya: “Akutu, Kalunga katate Abraham naKalunga katate Isak! Akutu Omwene, Oove wa lombwela nge: ‘Shuna koshilongo sheni nokepata leni, ndele Ame ohandi ku ningile ouwa.’

GENESIS 32:9 ပူးပေါင်းရင်းမြစ်များ

GENESIS 17:7

Ndele Ame ohandi ka ninga ehangano pokati ketu naave nomaludalo oye komapupi nomapupi ao, ngaashi ehangano laalushe, ndi kale Kalunga koye naKalunga koludalo loye tali ku shikula.

GENESIS 28:13

Ndele tala, Omwene okwa kala ofika pombada koxulo yayo ndele ta ti: “Aame Omwene Kalunga kooxo Abraham naKalunga kaIsak. Edu eli wa nangala, Ame ohandi li ku pe, ove mwene noludalo loye.

GENESIS 28:15

Ndele tala, Ame ondi li pamwe naave, ndele Ame ohandi ke ku amena apeshe apa to i, ndele Ame ohandi ke ku alulila moshilongo eshi. Osheshi Ame itandi ke ku efa, fimbo inandi wanifa eshi nde ku lombwela.”

GENESIS 31:13

Aame Kalunga komuBetel, omo wa vaekela emanya ledimbulukifo nowa udanekela nge eudaneko. Hano fikama u dje mo moshilongo eshi, u shune koshilongo oko wa dalelwa.’ ”

GENESIS 31:29

Ame ondi na eenghono oku mu monifa oixuna, ndelenee Kalunga kooxo okwa lombwela nge oufiku wonena ndele ta ti: ‘Likelela uha popye naJakob nande ouwa ile owii.’

GENESIS 31:3

Ndele Omwene okwa tya kuJakob: “Shuna koshilongo shooxo nokepata leni. Naame ohandi ka kala pamwe naave.”

GENESIS 31:42

Ngeno Kalunga katate, Kalunga kaAbraham netilo laIsak ina kala kombinga yange, heeno, ngeno owa lekela nge hamakasha. Kalunga okwa mona oluhepo lange noshilonga shange shidjuu shomake ange, Ye okwa tokola oshinima oufiku wonena.”

GENESIS 31:53

Kalunga kaAbraham naKalunga kaNahor, Kalunga kooxo, ye na kale omutokoli pokati ketu.” Ndele Jakob okwa anena etilo laxe Isak.

GENESIS 32:8

Osheshi ye okwa diladila: “Esau ngeenge okwa tondokele monhanda imwe ndele te i hanauna po, onhanda ikwao otai i onhapo.”

GENESIS 49:25

Kalunga kaxo, ekwafo loye, nekwafo laKalunga Omunaenghono adishe, ou te ku nangeke noupuna nomanangeko okeulu pombada, nomanangeko nomakungulukilo omeva oposhi, nomanangeko omavele nomomadimo.

2 OMAFIMBO 20:12

Kalunga ketu, ito va tokola? Osheshi mufye kamu neenghono okulwifa ongudu inene tai tu homona. Ndele inatu shiiva eshi tu nokuninga, ndelenee omesho etu taa tale kwoove.”

2 OMAFIMBO 20:6

ndele ta ti: “Omwene Kalunga kootate, Oove Kalunga komeulu, ndele Oove omupangeli woilongo aishe yoiwana. Heeno, meke loye omu neenghono nouladi, onghee hano kape na ou ta dulu oku ku kondjifa.

2 OMAFIMBO 32:20

Ndelenee ohamba Hiskia nomuxunganeki Jesaja yaAmos, eshi va ilikanena oshiwana eshi ndele va kuwa keulu,

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

OMAPSALOME 91:15

Ngeenge ta ifana nge, Ame ohandi mu udu; ohandi liameke kuye moudjuu waye, Ame ndi mu mangulule mo, nohandi mu fimanekifa.

EXODUS 3:6

Ye ta ti vali: “Aame Kalunga kooxo, Kalunga kaAbraham, Kalunga kaIsak naKalunga kaJakob.” Opo nee Moses okwa uvika oshipala shaye, osheshi okwa tila okutala Kalunga.

JEREMIA 32:16

Ndele ame eshi nda yandja omushangwa welandakanifo kuBaruk yaNeria, ame onda ilikana Omwene nda tya:

1 SAMUEL 30:6

Ndele David okwa li moudjuu muhapu, osheshi ovakwaita va popya kutya na dipawe nomamanya. Osheshi eemwenyo dovakwaita aveshe da li di udite ouyehame, keshe umwe molwovana ovamati vaye noukadona vaye. Ndelenee David okwe lipameka mOmwene Kalunga kaye.