GENESIS 32:7 - Ombibeli Iyapuki

⁷ Opo nee Jakob okwa tila unene nokwa kwatwa koumbada, ndele ye okwa tukula ovanhu ava va li puye nosho yo eedi noikombo neengobe neengamelo meenhanda mbali.

GENESIS 32:7 ပူးပေါင်းရင်းမြစ်များ

GENESIS 32:11

Xupife nge meke lamumwameme, meke laEsau, osheshi ame ohandi mu tila, ye ote uya okudipaa nge, nooina pamwe nounona vavo.

GENESIS 32:3

Ndele Jakob okwa tuma ovatumwa komesho kumumwaina Esau moshilongo shaSeir medu laEdom.

GENESIS 32:8

Osheshi ye okwa diladila: “Esau ngeenge okwa tondokele monhanda imwe ndele te i hanauna po, onhanda ikwao otai i onhapo.”

GENESIS 33:1

Ndele Jakob okwa yelula omesho ndele eshi a mona Esau te uya novalumenhu omafele ane pamwe naye, okwa tukulila Lea naRakel novapika vaye vavali ovana.

GENESIS 35:3

Tu lilongekideni okuya kuBetel. Ame ohandi ka tungila ko Kalunga oaltari, Kalunga ou a nyamukula nge mefiku loudjuu wange nokwa kala pwaame mondjila ei nda enda.”

OMAPSALOME 107:6

Opo nee moudjuu wavo ova kuwa kOmwene onghuwo, ndele Ye e va xupifa momatilo avo,

OMAPSALOME 112:5

Ou ha file onghenda ndele ta yandje nokuhateelela sha, oye omukalinawa. Ta diinine oinima yaye pauyuki;

OMAPSALOME 142:4

Eshi handi tale kolulyo nda vandavamena mominghulo: nghi wete nande omunhu, e na naame. Nghi na apa handi ningine nande, kape na ou, ta yavele nge.

OMAPSALOME 31:13

Heeno, ondi udite, vahapu tava ambaamba nge, oixuna keembinga adishe, mokungudumana kwavo otava diladilile nge efyo.

OMAPSALOME 61:2

Moulikule wange kexulilo ledu ohandi ku ifana, omutima wange eshi owa lololwa; twale nge kemanya lile, ame mwene nda nyengwa okulonda ko.

EXODUS 14:10

Farao eshi a ehena po, Ovaisraeli va yelula omesho avo, ndele tala, Ovaegipiti ove uya tave va shikula. Ndele va kwatwa koumbada munene. Opo Ovaisraeli va kuwa kOmwene.

OMAYELETUMBULO 2:11

To ka amenwa kokulungama, ndele to ka diininwa keendunge

JESAJA 28:26

Ndele Kalunga kaye okwe mu ulikila nhumbi hashi ningwa, Ye ote mu longo.

MATEUS 10:16

“Tala, Ame ohandi mu tumu ngaashi eedi mokati komambungu; kaleni hano mwa lungama ngaashi omayoka nongaashi eenghuti muhe na oshipo.

MATEUS 8:26

Ndele Oye okwa tya kuvo: “Ovaneitavelo linini nye, oshike mu noumbada?” Ndele okwa fikama, ndele ta hanyene omhepo nefuta, ndele pa ninga eloto linene.

JOHANNES 16:33

Oinima ei onde i mu lombwela, mu kale mu nombili mwaame. Mounyuni omu li mo mu noudjuu, ndelenee kaleni nomwenyo muwa, Ame onda finda ounyuni.”

OILONGA YOVAYAPOSTOLI 14:22

Ndele ova pameka eemwenyo dovalongwa, ndele ve va kumaida okudiinina eitavelo, tava ti: “Mokuya mouhamba waKalunga otu nokupitila moudjuu uhapu.”

2 OVAKORINTO 1:4

ou te tu hekeleke moudjuu wetu aushe, opo tu shiive yo okuhekeleka ava ve li moudjuu keshe onehekeleko olo Kalunga ta hekeleke fye vene.

2 TIMOTEUS 3:12

Ndele aveshe ovo va hala okukala metilokalunga muKristus Jesus, otava ka hepekwa.