GENESIS 32:30 - Ombibeli Iyapuki

³⁰ Onhele ei Jakob okwe i luka Penuel, osheshi, ngaashi a tile: “fye naKalunga otwa talafana oshipala noshipala, nonande ongaha,” ame onda xupa ndi na omwenyo.

GENESIS 32:30 ပူးပေါင်းရင်းမြစ်များ

GENESIS 16:13

Ndele ye okwa luka edina lOmwene, ou a popya naye: “Oove Kalunga u wete nge.” Osheshi ye okwa ti: “Ame onda mona ou a vilola, ou e wete nge?”

GENESIS 28:19

Ndele ye okwa luka onhele ei Betel, ndele edina loshilando eshi nale ola li Lus.

GENESIS 35:9

Opo nee Kalunga okwe lihololela vali Jakob, ye eshi a alukila kuPaddan-Aram, ndele okwe mu nangeka noupuna.

1 EEHAMBA 12:25

Ndele Jerobeam okwa tunga Sekem keemhunda daEfraim nokwa kala ko. Nokwa dja ko ndele ta tungu Penuel.

EXODUS 33:14

Ndele Ye okwa nyamukula ta ti: “Oshipala shange shi nokweenda naave noku ku twala konhele yetulumuko.”

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

JESAJA 9:5

Osheshi keshe olukaku lomukwaita la lyatifwa meweelelo lolwoodi, noikutu ya nyatekwa kohonde, otai xwikwa po, ndele tai ningi eendja domundilo.

NUMERI 12:8

Fye ohatu popi naye mokanya nokanya nomokutala, hameendjovo inadi yela. Ndele ye mokanya nokanya nomokutala, hameendjovo inadi yela. Ndele ye ota mono ondjelo yOmwene. Omolwashike inamu tila okutwa eemhata nomupiya wange Moses?”

JOHANNES 1:18

Kape na ou a mona Kalunga nande; Ewifa olo la kala mekolo laXe, olo le mu holola.

1 OVAKORINTO 13:12

Osheshi paife ohatu mono ko ngaashi omoshitengelelo, ongaashi otumbutumbu, ndele mefiku linya okoshipala noshipala: paife okushiiva kwange okombinga, ndelenee efiku linya ohandi ka shiiva nda wana, ngaashi naame mwene yo nda shiivikika.

2 OVAKORINTO 3:18

Ndelenee atushe ava hatu tale noipala ya tuvikululwa oshinge shOmwene, ngaashi moshitengelelo, ohatu shituka tu fe efano tuu olo omoshinge okoshinge, ngaashi Omwene Oye ou Omhepo ta shitulula.

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

OVAGALATI 1:6

Ame onda kumwa, eshi mwa pilamena diva ou e mu ifana mefilonghenda laKristus, ndele mwa ama kevaengeli limwe,

OVAEFESO 1:17

nokwiindila opo Kalunga wOmwene wetu Jesus Kristus, Xe yefimano, e mu pe ngeno omhepo younongo noyehololo moku mu shiiva,

DEUTERONOMION 34:10

Ndele muIsrael inamu holokela nande omuxunganeki umwe ngaashi Moses, ou a endafana nOmwene koshipala noshipala,

DEUTERONOMION 5:24

ndele tava ti: ‘Tala, Omwene Kalunga ketu e tu talifa oshinge shaye nounene waye, ndele fye twa uda ondaka yaye momundilo. Onena eli twa mona nokutya, Kalunga ta popi nomunhu, ndele ye ta kala nomwenyo.

OVAKOLOSSI 1:15

Oye olupe laKalunga iha monika, Omudalwa wotete woishitwa aishe.

2 TIMOTEUS 1:10

ndelenee ola hololwa paife okeholoko lOmukulili wetu Kristus Jesus, ou a hanauna po efyo nokwa eta pouyelele omwenyo nokuhaxulapo, okevaengeli,

OVAHEBERI 11:27

Meitavelo okwa fiya po Egipiti ehe noutile wehandu lohamba, okwe likolelela, osheshi a kala a fa e wete ou ehe wetike.

JOSUA 5:13

Ndele Josua fimbo a kala puJeriko, okwa yelula omesho aye, ndele tala, moipafi yaye pa kala ofika omulumenhu e neongamukonda la pweywa mo meke laye; ndele Josua okwa ya kuye ndele te mu pula: “Ove wa ama kufye ile okovatondadi vetu?”

OVATOKOLIPANGELI 13:17

Opo nee Manoah ta pula omweengeli wOmwene: “Edina loye, oove olyelye, opo tu shiive oku ku fimaneka, ondjovo yoye ngeenge tai wanifwa.”

OVATOKOLIPANGELI 13:18

Nomweengeli wOmwene ta ti kuye: “Omolwashike to pulile nge edina lange, osheshi lo olikumwifa?”

OVATOKOLIPANGELI 8:17

Nohoteshungo yomuPenuel okwe i ngumauna po nokwa dipaa ovalumenhu vomoshilando.

OVATOKOLIPANGELI 8:8

Ndele oko okwa dja ko ta i kuPenuel, ndele okwa popya navo ngaha. Ndelenee ovalumenhu vomuPenuel ve mu nyamukula ngaashi ovalumenhu vomuSukkot ve mu nyamukula.