GENESIS 30:4 - Ombibeli Iyapuki

⁴ Opo nee ye okwe mu pa omupika waye Bilha ongomwalikadi waye, ndele Jakob okwa ya muye.

GENESIS 30:4 ပူးပေါင်းရင်းမြစ်များ

GENESIS 16:2

Ndele Sarai okwa lombwela Abram ta ti: “Ove ou shi shii, Omwene ina pa nge oludalo.” Inda komupika wange. Kashiimba ohandi ka mona oludalo muye. Ndele Abram okwa itavela Sarai.

GENESIS 21:10

Ndele ye ta ti kuAbraham: “Taataa mo omupika omukainhu pamwe nomona waye. Osheshi omona womupika ou ita ka fyuulula pamwe naIsak, omona wange.”

GENESIS 22:24

Ndele omwalikadi wopomunghulo, edina laye Reuma, okwa dala yo Tebag naGaham naTahas naMaaka.

GENESIS 25:1

Ndele Abraham okwa hombolulula omwalikadi, nedina laye oKetura.

GENESIS 25:6

ndelenee ovana ovamati vovalikadi vaAbraham vopomunghulo, Abraham okwe va pa oipewa, ndele fimbo a kala nomwenyo, ye e va lekelifa Isak, omona waye, nokwe va tuma koshilongo shokoushilo.

GENESIS 29:29

(Ndele Laban okwa pa omona waye Rakel omupika waye omukainhu Bilha, a ninge omupika waRakel.)

GENESIS 30:5

Ndele Bilha okwa ninga oufimba nokwa dalela Jakob okaana okamati.

GENESIS 33:2

Ndele okwa pitifa komesho ovapika novana vavo, nova shikulwa kuLea novana vaye; naRakel okwe va shikula konima naJosef.

GENESIS 35:22

Hano Israel fimbo a kala opo, Ruben okwa ya ko a ka nangale naBilha, omwalikadi waxe wopomunghulo, naIsrael okwe shi uda. Ovana ovamati vaJakob ova li omulongo navavali.

GENESIS 46:25

Ovo ovana ovamati vaBilha, ou Laban e mu pa omona waye Rakel. Ndele ye okwe va dalela Jakob, aveshe kumwe ovanhu vaheyali.

2 SAMUEL 12:11

Omwene osho ta ti: ‘Tala, omeumbo loye Ame ohandi ke ku etela oshiponga, ndele handi ka kufa ovalikadi voye moipafi yoye noku va yandja kumukweni, opo ye ta nangala novalikadi voye moipafi.