GENESIS 3:22 - Ombibeli Iyapuki

²² Opo nee Omwene Kalunga okwa ti: “Paamha omunhu okwa ninga ngaashi umwe womufye, eshi a shiiva ouwa nowii. Opo aha nane eke laye a kufe ko vali komuti womwenyo nokulya ndele ta kala e na omwenyo fiyo alushe, ohandi mu taataa mo.”

GENESIS 3:22 ပူးပေါင်းရင်းမြစ်များ

GENESIS 1:26

Ndele Kalunga okwa ti: “Tu meni ovanhu oshifefa shetu, ve tu fe, ndele nava pangele oinamwenyo yomefuta, needila dokeulu, noimuna, nedu alishe, noinamwenyo aishe tai linyenge kombada yedu.”

GENESIS 2:9

Ndele Omwene Kalunga okwa menifa medu omiti di lili noku lili da wapala okutala nodinyenye okuliwa, ndele mokati koshikunino Ye okwa menifa mo omuti womwenyo, nomuti wokushiiva ouwa nowii.

GENESIS 3:21

Ndele Omwene Kalunga okwa ningila omulumenhu nomwalikadi waye oikutu yoipa ndele te i va dike.

GENESIS 3:23

Opo nee Omwene Kalunga okwe mu taataa mo moshikunino shomuEden a ka longe edu omu a kufilwe.

GENESIS 3:5

Kalunga oku shi shii nokutya, ngeenge mwe i li, omesho eni otaa pashuka, ndele tamu shiiva ouwa nowii, ngaashi Kalunga.”

OMAPSALOME 22:26

Ovanambili tava ka lya va kute; naava tava kongo Omwene, tave mu hambelele. Omitima deni nadi kale nomwenyo fiyo alushe.

OMAYELETUMBULO 3:18

Odo omuti womwenyo kukeshe ou te u kwata, nomunelao keshe oyou ta kanyatele kuo.

JEREMIA 22:23

Ove ou to kala kuLibanon noshihadi shoye we shi tungila momiti omisederi; ove oto ka kala nokukema nekemo li fike peni, omaudjuu ngeenge tae ku hange, efeto ngaashi efeto lomudali?

EHOLOLO 2:7

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe okulya komuti womwenyo u li moParadisa yaKalunga.’

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.

EHOLOLO 22:2

Mokati kepandavanda lasho nopominghulo adishe mbali domulonga opa kala omuti womwenyo, ou hau ima lwomulongo naluvali ndele tau eta oiimati yao keshe ohani; nomafo oo okuvelula oiwana.