GENESIS 3:21 - Ombibeli Iyapuki

²¹ Ndele Omwene Kalunga okwa ningila omulumenhu nomwalikadi waye oikutu yoipa ndele te i va dike.

GENESIS 3:21 ပူးပေါင်းရင်းမြစ်များ

GENESIS 3:20

Ndele omulumenhu okwa luka omwalikadi waye Eva, osheshi ye okwa ninga ina yaaveshe ava ve na omwenyo.

GENESIS 3:22

Opo nee Omwene Kalunga okwa ti: “Paamha omunhu okwa ninga ngaashi umwe womufye, eshi a shiiva ouwa nowii. Opo aha nane eke laye a kufe ko vali komuti womwenyo nokulya ndele ta kala e na omwenyo fiyo alushe, ohandi mu taataa mo.”

GENESIS 3:7

Opo nee omesho avo aveshe vavali a pashuka, ndele vo ove liwete ve li hamunghele. Ndele vo ova hondjela kumwe omafo omukwiyu, ndele tave liningile omateta.

JESAJA 61:10

Ame ohandi hafele mOmwene unene, omwenyo wange otau nyakukilwa muKalunga kange, osheshi Ye okwa dika nge oshikutu shexupifo, nokwa uvika nge nelwakani louyuki ngaashi omuhomboli ou ta humbata embale loshivilo, ngaashi omupristeli nongaashi omuhombolwa ou te liwapeke noumanyawapeko.

OVAROMA 3:22

nokutya, ouyuki waKalunga owomeitavelo laJesus Kristus otau uya mwaaveshe nokwaaveshe ava hava itavele, osheshi kaku na nande etongolo.

1 OVAKORINTO 12:23

noinhimbu oyo yolutu hatu i tale ihe nefimano, oyo hatu i djaleke nokufewa, naai twe i fya ohoni, ohatu i tuvikile shili;

2 OVAKORINTO 5:21

Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.