GENESIS 3:19 - Ombibeli Iyapuki

¹⁹ Omungome woye oto u li noshinhwi moshipala shoye, fiyo oto shuna medu, osheshi omo wa kufwa. Osheshi oove edu, ndele oto ka ninga edu.”

GENESIS 3:19 ပူးပေါင်းရင်းမြစ်များ

GENESIS 18:27

Ndele Abraham okwa nyamukula ndele ta ti: “Tala, ame ondi na ouladi okupopya nOmwene, nande ame ondwi nomute.

GENESIS 2:7

Ndele Omwene Kalunga okwa ma omunhu nondwi yedu ndele te mu fudile meyulu laye omufudo womwenyo. Osho ngaha omulumenhu a ninga omwenyo u na omwenyo.

GENESIS 23:4

“Ame omunailongo nomweenda mokati keni. Pei nge onhele yeembila medu leni, opo ndi shiive okupaka mo omufi wange.”

GENESIS 3:18

Lo oli na oku ku menifila yo omakiya neeshosholo. Ndele ove oto ka lya oimeno yomoixwa.

GENESIS 5:5

Osho hano efimbo olo alishe Adam a kala nomwenyo, ola li omido omafele omugoi nomilongo nhatu, eshi ye a fya.

JOB 1:21

ndele ta ti: “Hamunghele nda dja medimo lameme, hamunghele ohandi ka shuna ko. Omwene okwa pele nge, nOmwene okwa kufa nge. Edina lOmwene nali hambelelwe!”

JOB 10:9

Dimbulukwa, nokutya wa honga nge ngaashi elova ndele wa hala okushitulula nge ondwi vali.

JOB 19:26

Ndele oshipa eshi shange eshi sha yuvwa nge, ndele nda dja mo molutu lange, ame ohandi ka tala Kalunga.

JOB 21:26

Vo aveshe tava ka nangala medu, nomainyo tae va tuvike.

JOB 34:15

opo nee aishe i nomwenyo kumwe tai xulu po, nomunhu ta shuna mondwi.

JOB 4:19

Unene hano mwaava hava kala momatwali edu, neefina dokukala kwavo odi li mondwi! Vo otava teyaulwa po ngaashi eenhwishi,

OMAPSALOME 103:14

Osheshi Oye ta shiiva oshitwe yetu, nhumbi tu li; ota dimbulukwa, nokutya fye ondwi yedu.

OMAPSALOME 104:23

Opo nee omunhu ota piti, a ye koilonga yaye, e i longe fiyo onguloshi.

OMAPSALOME 104:29

Ove to holeke oshipala shoye, oyo otai haluka; Ove to kufa mo omuku wayo, opo otai shuna vali mondwi yedu, omu ya dja.

OMAPSALOME 127:2

Okumeneka kweni ongula, nokuxunguluka moilonga oufikufiku, okwongaho, eshi tamu li eendja deni noshisho. Ovaholike vaye ohe di va pe mokukofa kwavo.

OMAPSALOME 22:15

Eenghono dange oda kukutila mo da fa oshikangwa, nelaka lange ola kanyatela moshihokohoko; Ove to nangeke nge mondwi yefyo.

OMAPSALOME 22:29

Ovanenenhu aveshe vokombada yedu otava ka lya nokulinyongamena, oonakufya novanyengwi vokulixupifila omwenyo, aveshe otave ke mu twila eengolo.

OMAPSALOME 90:3

Ove to shunifa omunhu mondwi yedu, ndele to ti: “Alukeni, oludi lovanhu nye.”

OMAYELETUMBULO 21:16

Omunhu ou ta yapuka mo mondjila yeendunge, ota ka tulumukwa moshiongalele shoilulu.

OMUUDIFI 1:13

Ndele nda tula omutima wange mokukonakona ounongo nokupanapana aishe oyo tai ningwa koshi yeulu. Oshilonga shidjuu osho Kalunga e shi pa ovana vovanhu, vo ve lipyakidile nasho.

OMUUDIFI 1:3

Omunhu ote limonene mo shike mokulipyakidila oupyakadi waye keshe koshi yetango?

OMUUDIFI 12:7

fimbo ondwi inai shuna medu ngaashi ya li ko, nomhepo inai shuna kuKalunga, ou e i mu pele.

OMUUDIFI 3:20

Aveshe tava i monhele imwe; aveshe va dja mondwi naaveshe tava shuna mondwi.

OMUUDIFI 5:15

Ngaashi ye a dile medimo laina, osho ta ka ya olutu longaho ngaashi e uya. Ndele ehe na sha osho shomoilonga a ka ye nasho.

DANIEL 12:2

Ndele vahapu vomwaava hava nangala mondwi yedu, tava ka penduka, vamwe tava nyumukile omwenyo waalushe, vakwao okufifwa ohoni noixuna yaalushe.

1 OVAKORINTO 15:47

Omunhu wotete okwa dja medu, omukwadu; omunhu omutivali, Omwene, a dja meulu.

OVAEFESO 4:28

Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele.

1 OVATESSALONIKI 2:9

Ovamwatate nye, ndishi omwa dimbulukwa oilonga yetu noudjuu wetu, nokulonga nomake omutenya noufiku, tuha etele nande umwe mokati keni oudjuu, eshi twe mu udifila evaengeli laKalunga.

2 OVATESSALONIKI 3:10

Osheshi fimbo twa li punye, otwe shi mu lombwela nokutya: “Ou ina hala okulonga, ina lya yo nande.”

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,