GENESIS 3:16 - Ombibeli Iyapuki

¹⁶ Ye okwa lombwela omwalikadi ta ti: “Ame ohandi ke ku hapupalifila oudjuu moufimba woye. Ove to ka dala ounona voye nokuyehama. Ndele oto kala nokuhala omulumenhu woye, ndele ye ote ke ku pangela.”

GENESIS 3:16 ပူးပေါင်းရင်းမြစ်များ

GENESIS 4:7

Hasho ngaha: ngeenge to longo ouwa, oto shiiva okuyelula omutwe woye; ndelenee ngeenge ito longo ouwa, oulunde otau ku nangele poshivelo, ndele tau ku hokwa. Ndele ove ou na oku u pangela.”

1 OMAFIMBO 4:9

Ndele Jabes okwa li a fimana komesho yovamwaina. Ndele ina okwe mu luka Jabes ta ti: Ame nde mu dala nouyehame.

ESTER 1:20

Oshipango shohamba eshi tashi ka shiivika moshilongo shayo ashishe, nande sho oshinene, ovalikadi aveshe tava ka fimaneka ovalumenhu vavo, ovanamadina novaxupi.”

OMAPSALOME 48:6

Do oda li po da kakama, di kwetiwe ketilo, ngaashi omufimba ta fetwa.

JESAJA 13:8

ndele vo ova haluka, oudu wodila nouyehame tau va hange, tave litonyo ngaashi omudali, tava talafana omesho manene, noipala yavo oya xwama ngaashi omundilo.

JESAJA 21:3

Oshiya shange onghee tashi kakama unene, onda hangika kouyehame, handi fetwa ngaashi omudali; eshi nde shi uda, sha petameka nge, nda haluka, ndele nghi wete ko.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JEREMIA 13:21

Oto ti ngahelipi, ye eshi ta ningi ovapangeli voye ovo we liikililifa oku va tala ovo ookaume koye? Ito hangika kefeto ngaashi omwalikadi omudali ta fetwa?

JEREMIA 22:23

Ove ou to kala kuLibanon noshihadi shoye we shi tungila momiti omisederi; ove oto ka kala nokukema nekemo li fike peni, omaudjuu ngeenge tae ku hange, efeto ngaashi efeto lomudali?

JEREMIA 4:31

Osheshi Ame onda uda okukema kwaumwe ngaashi okukema kwomufetwa, onghuwo ya fa yomunhu ta fetelwa oshiveli shaye, omona okakadona Sion ota lili mokule ndele te lihepeke nokukema. Omaoko aye otaa twala pombada nokwiilikana: Woo ame! Omwenyo wange tau pu mo kovadipai.

JEREMIA 49:24

Damaskus osha tyololoka, sha pilamena ko tashi faduka po, sha hangika kehaluko. Osha hangika koudjuu nokouyehame, ngaashi omudali.

JEREMIA 6:24

Eenghundana dasho otwe di uda, omaoko etu okwa wa, oumbada we tu kwata, tu nouyehame ngaashi omudali.

NUMERI 30:13

“Eudaneko keshe neano keshe lokulidilika omwalikadi ote li udanekele okulihepeka, omulumenhu waye ota dulu oku li kwatekeka ile oku li kwatunununa.

JOHANNES 16:21

Omukainhu nge ta dala, oku na oluhodi, osheshi efimbo laye ola fika; ndele eshi a dala okaana, iha dimbulukwa vali oudjuu molwehafo eli, omunhu eshi a dalelwa mounyuni.

1 OVAKORINTO 11:3

Ndelenee onda hala nye mu shiive nokutya, Kristus Oye omutwe wakeshe omulumenhu, nomutwe womukainhu omulumenhu, nomutwe waKristus oKalunga.

1 OVAKORINTO 14:34

ovakainhu veni nava mwene moiongalele yomaongalo, osheshi ova shilikwa okupopya, ndele nava dulike yo, ngaashi omhango tai shi ti.

1 OVAKORINTO 7:4

Omukainhu ke nelipangelo okupangela olutu laye, omulumenhu oye tuu, osho tuu nomulumenhu ke nelipangelo okupangela olutu laye, ndelenee omukainhu oye tuu.

OVAKOLOSSI 3:18

Ovakainhu nye, dulikeni kovalumenhu veni, ngaashi sha wapalela mOmwene.

1 OVATESSALONIKI 5:3

Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo.

1 TIMOTEUS 2:13

Osheshi Adam okwa shitwa tete, Eva okonima.

1 TIMOTEUS 2:15

Ndelenee ye ota ka xupifwa mokudala ounona, ngeenge ta kala meitavelo nomohole mouyapuki nokukala moukoshoki.

TITUS 2:5

ndele va kale ve neenghedi diwa novakoshoki ve shii okutekula omaumbo avo, ve nomwenyo muwa, ndele tava dulika kovalumenhu vavo vene, opo ondjovo yaKalunga iha shekifwe.