GENESIS 3:14 - Ombibeli Iyapuki

¹⁴ Ndele Omwene Kalunga okwa lombwela eyoka ta ti: “Ove eshi we shi ninga, oto fingwa mokati koinamwenyo aishe. Ove ou na okweendifa edimo loye, ndele ou na okulya edu omafiku oye aeshe.

GENESIS 3:14 ပူးပေါင်းရင်းမြစ်များ

GENESIS 3:1

Ndele eyoka la li la lungama li dule oifitukuti aishe yomoixwa ei Omwene Kalunga a ninga. Ndele lo ola pula omwalikadi: “Kalunga okwa ti shili: ‘Inamu lya komiti adishe domoshikunino?’ ”

GENESIS 4:11

Onghee hano ove oto ka kala wa fingwa, ove to ka kala kokule nedu eli la makula okanya kalo okupona ohonde yondenge yoye, keke loye.

GENESIS 9:6

Ou ta tileshi ohonde yomunhu, ohonde yaye oi na okutilwashi komunhu. Osheshi Kalunga okwa ninga omunhu oshifefa shaye.

OMAPSALOME 72:9

Novakwananghali tave ke i twila eengolo, novatondi vayo nava lafe ondwi koshipala shayo.

JESAJA 29:4

Opo nee ove to kala nokupopya mokule mwi, ndele to kala nokupopila mondwi yedu nondaka yoposhi, ndele ondaka yoye otai ka udika ngaashi ondaka yoshilulu shomedu, nondjovo yoye tai di mondwi yedu tai kina.

JESAJA 65:25

Embungu nodi otadi ka ombela pamwe, onghoshi otai li omwiidi ngaashi ongobe, neyoka otali li ondwi yedu; kombada yomhunda yange iyapuki itapa ningwa vali nande owii ile oshiponga, Omwene osho ta ti.

LEVITIKUS 20:25

Onghee hano mu nokutongola pokati koinamwenyo ya yela naai inai yela, nopokati keedila da yela naadi inadi yela. Inamu linyateka koinamwenyo ile keedila ile ku eshi tashi alangata kombada yedu, oyo nde i mu tongolela noku mu lombwela, yo inai yela.

MIKA 7:17

Vo otava ka lafa ondwi ngaashi eyoka ngaashi oilihedi otava ka holoka nokudja mo meehotengulu davo nokukakama, heeno, vo otave ke uya kOmwene Kalunga ketu nokukakama, ndele vo tave ke ku tila.