GENESIS 26:22 - Ombibeli Iyapuki

²² Opo nee vo va dja po opo, ndele va ka xupa omufima umwe, ndele wo inave u twila eemhata. Onghee ye e u luka Rehobot ndele ta ti: “Heeno, paamha Omwene e tu pa onhele ya mbwalangadja ndele hatu dulu okuhapupala moshilongo.”

GENESIS 26:22 ပူးပေါင်းရင်းမြစ်များ

GENESIS 17:6

Ndele Ame ohandi ku pe oludalo lihapu unene: Ame ohandi ke ku ninga oiwana, neehamba otadi ka holoka mwoove.

GENESIS 26:21

Opo nee vo va xupa omufima umwe, nomolwao vo va twa yo eemhata. Onghee hano e u luka Sitna.

GENESIS 28:3

Ndele Kalunga Omunaenghono adishe ne ku nangeke noupuna, ne ku pe oludalo noku ku hapupalifa, opo mwoove mu dje oiwana.

GENESIS 41:52

Nondenge okwe i luka Efraim, osheshi ye okwa ti: “Kalunga okwa pa nge oludalo moshilongo shoudjuu wange.”

OMAPSALOME 118:5

Moudjuu wange onda ifana kOmwene, opo Omwene okwa uda nge, ndele a tula nge mokaalanga.

OMAPSALOME 119:32

Onda hala ndi lotoke mondjila yoipango yoye, osheshi Ove to mbwalangadjifa omutima wange.

OMAPSALOME 18:19

Okwa kufa nge pofina, ndele ta twala nge poluhaela pa yela sheke, okwa nakula nge mo, molwaashi a hokwa nge.

OMAPSALOME 4:1

Ngeenge handi lalekida, ude nge, alikana, Kalunga kouyuki wange! Mofina yange owa ningila nge mo omhito ya mbwalangadja; file nge onghenda, Ove, uda eindilo lange.

EXODUS 1:7

Ndelenee Ovaisraeli va li ve noludalo ndele va ninga vahapu, ndele va hapupala ndele va ninga vahapu neenghono nova yadifa oshilongo.

JESAJA 54:2

Mbwalangadjifa onhele yetwali loye, neefaila domatwali oye di ehenifa kokule. Ino kelela! Eengodi doye nadi ninge dile, noiti yado i dengela mo, i pame.

JESAJA 54:3

Osheshi ove to ke litwalatwala kolulyo nokolumosho, noludalo loye otali ka nangala oilongo yoiwana, noilando yomaputu otai ka nangekwa.