GENESIS 26:12 - Ombibeli Iyapuki

¹² Isak okwa kuna moshilongo shinya, ndele mudo olo okwa teya oilya lwefele, osheshi Omwene okwe mu nangeka noupuna.

GENESIS 26:12 ပူးပေါင်းရင်းမြစ်များ

GENESIS 24:1

Ndele pefimbo olo Abraham okwa kulupa, nomafiku aye a ninga mahapu, nOmwene okwe mu nangeka noupuna mwaaishe.

GENESIS 24:35

Ndele Omwene okwa nangeka noupuna omwene wange unene, okwe mu yambapaleka unene, ndele okwe mu pa eedi neengobe, oshisiliveli noshingoldo, ovapika ovalumenhu novapika ovakainhu, neengamelo neendongi.

GENESIS 25:11

Konima yefyo laAbraham, Kalunga okwa nangeka noupuna Isak, omona waye. Ndele Isak okwa kala puBeer-Lahai-Roi.

GENESIS 26:29

Nye inamu tu ningila owii nande owasha, ngaashi yo fye inatu ku kuma, noinatu ku ningila sha shii, ouwa auke ndele hatu ku lekele nombili. Ove ou li shili omunangekwa noupuna wOmwene.”

GENESIS 26:3

Kala ngaashi omunailongo moshilongo eshi, ndele ame ohandi ka kala pamwe naave; noludalo loye ohandi ke li pa oilongo ei. Ame ohandi ka wanifa eano nde li anenene xo Abraham.

GENESIS 30:30

Osheshi oyo ya li inini fimbo ame inandi uya, ndele yo oya hapupala unene. Ndele Omwene okwe ku nangeka noupuna keshe apa ame nda enda. Onaini handi ka longela yo eumbo lange mwene?”

JOB 42:12

NOmwene okwa nangeka noupuna okukalamwenyo kwaxuuninwa kwaJob noupuna uhapu u dule winya wopehovelo. Ndele ye okwa li e needi omayovi omulongo naane, eengamelo omayovi ahamano, eengobe deendjoko omayovi avali neendongi eenghadi eyovi limwe.

OMAPSALOME 67:6

Edu oli li po la menifa omumeno walo: fye ohatu ka punikwa kuKalunga, Kalunga ketu.

OMAPSALOME 72:16

Moshilongo namu kale oshishipo shoilya, yo i mene fiyo okeexulo deemhunda; omiti doiimati dasho nadi ime ngaashi Libanon, nomoilando namu pimhuke mo ovanhu, ngaashi omwiidi tau twiyuka medu.

OMAYELETUMBULO 10:22

Enangeko noupuna lOmwene, olo tali likolifa, noshilonga shidjuu itashi wedele ko sha.

OMUUDIFI 11:6

Ombuto yoye i kuna ongula, ndele ino tulumukifa eke loye komatango. Osheshi ku shi shii, ilipipo tai ka mena, oyo ile inya, ile ngeenge aishe ivali tai ka kala ya wapala.

SAKARIA 8:12

Osheshi ombuto yehepuluko tai kunwa, omuviinyu tau ka ima oiimati yao, nedu tali ka menifa oimeno yalo, neulu tali ka ufa omume. Noshixupe shoshiwana eshi Ame ohandi ke shi fyuululifa oinima ei aishe.

MATEUS 13:23

Ndele odo da kunwa medu liwa, oye tuu ou ta udu eendjovo, e di udite ko ndele ta dala, umwe ta dala efele, umwe omilongo hamano naumwe omilongo nhatu.”

MATEUS 13:8

Ndele dimwe oda wila medu liwa, ndele da dala, dimwe efele, dimwe omilongo hamano nadimwe omilongo nhatu.

MARKUS 4:8

Ndele dimwe oda wila medu liwa, oda mena, da kula, ndele oda dala fiyo omilongo nhatu, nomilongo hamano, nefele.”

1 OVAKORINTO 3:6

Ame onda twika, Apollos okwa tekela, ndele Kalunga a kulika.