GENESIS 24:54 - Ombibeli Iyapuki

⁵⁴ Ndele vo ova lya nova nwa, ye novalumenhu ava va li pamwe naye, ndele ova nangala oufiku oo. Vo eshi va penduka ongula inene, ye ota ti: “Lekeleni nge ndi ye komwene wange.”

GENESIS 24:54 ပူးပေါင်းရင်းမြစ်များ

GENESIS 24:56

Ndelenee ye okwe va nyamukula ta ti: “Inamu kelela nge, osheshi Omwene okwa monifa nge elao mondjila yange. Lekeleni nge ndi shiive okushuna komwene wange.”

GENESIS 24:59

Opo nee vo ova lekela mumwaina Rebeka nomuyakuli waye pamwe nomupiya waAbraham novalumenhu vaye.

GENESIS 30:25

Ndele Rakel eshi a dala Josef, Jakob okwa tya kuLaban: “Lekele nge, ndi shiive okuya keumbo lange nokoshilongo shetu.

GENESIS 45:24

Opo nee ye okwa lekela ovamwaxe, ndele tava i. Ndele ye okwe va lombwela ta ti: “Inamu litangunina mondjila.”

2 SAMUEL 18:19

Opo nee Ahimas yaSadok ta ti: “Efe nge, ndi tondoke ndi twale kohamba ondaka ei iwa, nokutya Omwene e mu alulila ouyuki moipafi yovatondadi vaye.”

OMAYELETUMBULO 22:29

Ngeenge to mono omulumenhu e nomayele mokulonga kwaye; ye ota dulu okukala ofika moipafi yeehamba, hamokulongela ovafyoona.

OMUUDIFI 7:10

Ino tya: “Omolwashike hano omafiku onale a li mawa e dule aa opaife?” Osheshi ito shi pula neendunge!