GENESIS 24:3 - Ombibeli Iyapuki

³ onda hala u anene nge kOmwene Kalunga keulu nedu nokutya, ove uha kongele omumwange omwalikadi movana oukadona vOvakaanan ovo ndi li mokati kavo.

GENESIS 24:3 ပူးပေါင်းရင်းမြစ်များ

GENESIS 14:19

ndele ye okwe mu nangeka noupuna ndele ta ti: “Abram omunangekwa noupuna waKalunga wOkombadambada, Omushiti weulu nedu,

GENESIS 14:22

Opo nee Abram okwa nyamukula ohamba yaSodom ta ti: “Ame ohandi ane kOmwene Kalunga wOkombadambada, Omushiti weulu nedu.

GENESIS 21:23

Anene nge hano paife apa medina laKalunga, ove uha kotokele nge nepata lange noludalo lange. Ngaashi ame nde ku ningila ouwa, ove ou na okuningila nge yo ouwa noshilongo omo u li omunailongo.”

GENESIS 24:7

Omwene Kalunga keulu, ou a kufa nge meumbo latate nomoshilongo omo nda dalelwa naau a popya naame nokwa anena nge neendjovo edi: ‘Oludalo loye ohandi ke li pa edu eli,’ ote ke ku tetekelifa omweengeli waye ndele ove ou na okweetela ko omumwange omwalikadi.

GENESIS 27:46

Rebeka okwa tya vali kuIsak: “Ame nda loloka omwenyo omolwovana oukadona ava vaHet. Jakob ngeenge ota hombola omwalikadi womoukadona Ovaheti vomoshilongo, omolwashike ndi na okukala vali nomwenyo?”

GENESIS 28:1

Opo nee Isak okwa ifana Jakob ndele te mu nangeke noupuna. Ndele okwe mu lombwela eendjovo edi ta ti: “Ino hombola omwalikadi womovana vaKaanan.

GENESIS 28:8

naashi Esau a mona nokutya, oukadona vomuKaanan ova li vai momesho axe Isak,

GENESIS 34:9

Ndele tu putulafaneni, nye otamu tu pe ovana veni oukadona, nye otamu putula ovana vetu oukadona.

GENESIS 38:2

Ndele Juda okwa mona ko omona okakadona komulumenhu Omukaanan nedina lako oSua. Ye okwe mu hombola ndele okwa nangala naye.

GENESIS 47:31

Ye okwa tya: “Anene nge.” Ye okwe mu anena eano. Israel okwa ilikana nokwe linyongamena koshiwilo shomombete.

GENESIS 50:25

Ndele Josef okwa anifa ovana vaIsrael ndele ta ti: “Kalunga ngeenge te mu kongo, kufeni omakipa ange aa, a twaleni ko.”

GENESIS 6:2

ovana ovamati vaKalunga va mona ovana oukadona vovanhu vawa, ndele vo ove likufila ovakainhu aveshe ava va hala.

GENESIS 6:4

Mefimbo linya okwa li ovatongolume kombada yedu nokomesho yo, eshi ovana ovamati vaKalunga ve litula kumwe novana oukadona vovanhu ndele vo tave va dalele ovana. Vo ovanaenghono vomounyuni wonale, ovalumenhu va tumbala.

2 EEHAMBA 19:15

Ndele Hiskia okwa indila koshipala shOmwene ndele ta ti: “Omwene, Kalunga kaIsrael, Ove ho kala omutumba kovakerubi, Oove auke Kalunga koilongo aishe yokombada yedu. Ove wa shita eulu nedu!

2 OMAFIMBO 2:12

Hiram okwa tya vali: “Omwene Kalunga kaIsrael, ou a ninga eulu nedu, na hambelelwe, eshi a yandja kohamba David omona omulumenhu omunongo, ou e nomayele neendunge a tungile Omwene otembeli ndele a tungile ouhamba waye ongulu.

ESRA 5:11

ndele vo ove tu pa enyamukulo eli ndele tava ti: ‘Fye ovapiya vaKalunga komeulu nokopedu, ndele hatu tungulula ongulu inya ya tungwa momido donale, oyo ya tungwa kohamba inene yaIsrael, ndele ye i shakenifa.

NEHEMIA 13:25

Onghee hano nde va twifa eemhata ndele nde va tula omutima ndele vamwe vomuvo nde va denga, ndele nde va shila keexwiki ndele nde va anifa puKalunga: “Inamu yandja ovana veni oukadona kovana vavo ovamati, ndele inamu kufa movana vavo oukadona va hombolwe kovana veni ovamati ile kunye vene.

NEHEMIA 9:6

Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

OMAPSALOME 115:15

Nye ovanangekwa noupuna kOmwene, ou a shita eulu nedu.

OMAPSALOME 136:26

Panduleni Kalunga komeulu! Osheshi alushe ouwanghenda waye tau kala po.

EXODUS 20:7

“Edina lOmwene Kalunga koye, ino li tumbulila ongaho, osheshi Omwene ita efa ina handukila ou ta tumbulile edina laye hamungaho.

EXODUS 22:11

opo nee eano lokwaana Omwene nali tokole eendjovo, kashiimba ina kumifa eke laye oinima yamukwao, nomwene woinima na itavele, ndelenee winya ite mu futu;

EXODUS 23:13

“Ashishe eshi nde shi mu lombwela, shi diinineni. Ndele omadina oikalunga oikwailongo inamu a tumbula, aha pite momilungu deni.

EXODUS 34:16

novana voye oukadona novamati tava ka kala nokuhombolofana novana vavo oukadona tava ka longela oikalunga yavo moluhaelo novana voye ovamati tave va hongaula okulongela oikalunga yavo moluhaelo.

JESAJA 45:23

Ame onda ana mwaame mwene nomokanya kange omwa dja oshili, mwa dja ondjovo itai ka popyululwa: ‘Keshe ongolo oi na okulitonyena nge, nokeshe elaka oli nokulianena nge.’

JESAJA 48:1

Udeni, onye vomeumbo laJakob, onye ava mwe lilukila edina laIsrael nomwa dja momeva aJuda, onye ava hamu ane medina lOmwene, ndele tamu pitifa Kalunga kaIsrael momakanya eni, ndele inamu shi ninga moshili nomouyuki,

JESAJA 65:16

Opo nee moshilongo keshe ou te linangeke noupuna, oye ote linangekele noupuna muKalunga koshili, naau ta ane moshilongo, ote lianene muKalunga koshili. Osheshi omahepeko enya onale okwa dimbuwa nokwa holekwa omesho ange.

JEREMIA 10:11

Hano nye omu noku va lombwela mu tye: Oikalunga oyo inai shita nande eulu ile edu, tai pepuka po kombada yedu nokoshi yeulu.

JEREMIA 12:16

Ndele ngeenge otave lilongo noudiinini okushiiva eendjila doshiwana shange ndele tava ane medina lange: Oshili, ngaashi Omwene e nomwenyo, ngaashi va longa oshiwana shange okwaana kuBaal, nena tava nangekwa moshiwana shange.

JEREMIA 29:6

Homboleni ovakainhu, nye mu dale ounona ovamati noukadona, novana veni oukadona va hombolwe kovana veni ovalumenhu vo va dale ovamati noukadona. Hapupaleni ko, inamu ninipala.

JEREMIA 4:2

Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye.

LEVITIKUS 19:12

Inamu ana oipupulu medina lange nokushekifa ngaha edina laKalunga koye. Aame Omwene.

SEFANIA 1:5

naava have linyongamene kombada yeenduda nokwiilikana eengudu dokeulu, naavo have linyongamene nokwiilikana Omwene nokwaana kuye ndele hava ane yo kuMilkom,

NUMERI 5:21

opo nee omupristeli e nokwaanifa omukainhu neano lefingo, nomupristeli e nokulombwela omukainhu: Omwene ne ku ninge efingo netukano mokati koshiwana sheni, Omwene eshi ta fipatelifa oiya yoye ndee ta dindike edimo loye;

1 OVAKORINTO 7:39

Omukainhu a mangelwa kumwe nomulumenhu waye fimbo ye e nomwenyo, ndele omulumenhu waye ngeenge ta fi, ye a manguluka a hombolwe kwaau a hala, shimha tashi ningilwa mOmwene.

DEUTERONOMION 10:20

U nokutila Omwene Kalunga koye, u noku mu longela, muye u nokukanyatela, ndele medina laye u nokwaana.

DEUTERONOMION 6:13

Ove u nokutila Omwene Kalunga koye noku mu kalela. U nokwaana medina laye.

OVAHEBERI 6:16

Osheshi ovanhu ohava anene osho shi va dule, neano otali va pamekele oshinima ndele tali xulifa eemhata adishe.

JOSUA 2:12

Anenei nge hano paife kOmwene, ame eshi nde mu ningila ouwa, nanye yo tamu ka ningila eumbo lange ouwa. Pei nge edidiliko li shii okulineekelwa,

OVATOKOLIPANGELI 14:3

Ndelenee xe naina tava ti kuye: “Movana oukadona ovakweni nomokati koshiwana ashishe eshi shetu kamu nomukainhu hamba, eshi wa hala okuya kOvafilisti, ava inava pita etanda, oko u ka kufe omukainhu?” Ndele Simson ta ti kuxe: “Pe nge winya, osheshi ye a wapalela nge.”

1 SAMUEL 20:17

Ndele Jonatan okwa anifa vali David pahole yaye naye. Osheshi ye okwa li e mu hole nohole yokomwenyo waye.

1 SAMUEL 30:15

Ndele David te mu pula ta ti: “Ove to twala nge tuu kongudu oyo?” Ye ta ti: “Anene nge puKalunga nokutya, ito dipaa nge ndele ito yandje nge momake omwene wange. Opo nee ame ohandi ke ku twala kongudu oyo.”