GENESIS 24:12 - Ombibeli Iyapuki

¹² ndele ye ta ti: “Omwene Kalunga kaAbraham omwene wange, monife nge elao nena ndele fila onghenda omwene wange Abraham.

GENESIS 24:12 ပူးပေါင်းရင်းမြစ်များ

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

GENESIS 24:21

Omulumenhu okwe ka tala, a kumwa a mwenenena nokwa hala a shiive ngeenge Omwene okwe mu monifa tuu ondjila i na elao.

GENESIS 24:27

neendjovo edi: “Omwene Kalunga kaAbraham, omwene wange na hambelelwe, osheshi Ye ina anyena omwene wange ouwanghenda noudiinini waye. Omwene okwa endifa nge nondjila ei yokeumbo lamumwaina womwene wange.”

GENESIS 24:42

“Ame onde uya nena komufima ndele handi ti: ‘Omwene, Kalunga kaAbraham, omwene wange, ngeenge owa hala okumonifa nge elao mondjila yange,

GENESIS 24:48

ndele ame onde linyongamena nokutwa oshipala poshi koshipala shOmwene Kalunga kaAbraham, omwene wange, ou a endifa nge nondjila ya yuka opo ndi monene omona womwene wange, omona okakadona kamumwaina womwene wange.

GENESIS 26:24

Nomoufiku tuu ou Omwene okwe liholola kuye ndele ta ti: “Aame Kalunga kaxo Abraham. Ino tila, osheshi Ame ondi li pwoove. Nohandi ke ku nangeka noupuna ndele handi ka hapupalifa oludalo loye omolwaAbraham, omupiya wange.”

GENESIS 27:10

Opo u di twale kuxo, e di lye, ye e ku nangeke noupuna fimbo ina fya.”

GENESIS 27:20

Opo nee Isak okwa tya komona waye: “Ongahelipi we shi mona diva ngaha, mumwange?” Ndele ye a nyamukula: “Osheshi Omwene Kalunga koye e shi pa nge.”

GENESIS 28:13

Ndele tala, Omwene okwa kala ofika pombada koxulo yayo ndele ta ti: “Aame Omwene Kalunga kooxo Abraham naKalunga kaIsak. Edu eli wa nangala, Ame ohandi li ku pe, ove mwene noludalo loye.

GENESIS 31:42

Ngeno Kalunga katate, Kalunga kaAbraham netilo laIsak ina kala kombinga yange, heeno, ngeno owa lekela nge hamakasha. Kalunga okwa mona oluhepo lange noshilonga shange shidjuu shomake ange, Ye okwa tokola oshinima oufiku wonena.”

GENESIS 32:10

Ame inandi wanena onghenda aishe noudiinini aushe Ove we u ningila omupiya woye. Osheshi ame onda tauluka Jordan ndi na odibo aike, ndele paife onda ninga eenhanda mbali.

GENESIS 32:9

Ndele Jakob okwa tya: “Akutu, Kalunga katate Abraham naKalunga katate Isak! Akutu Omwene, Oove wa lombwela nge: ‘Shuna koshilongo sheni nokepata leni, ndele Ame ohandi ku ningile ouwa.’

GENESIS 43:14

NaKalunga Omunaenghono adishe, ne mu monife efilonghenda komulumenhu winya, ye e mu alulile omumwaxo mukwao, e uye nanye naBenjamin. Ndelenee ame ngeenge ondi na okukufwa ovamwange, osho nashi ningwe hano!”

1 EEHAMBA 18:36

Ndele otundi eshi ya fika, eendjayambo da li di nokuyambwa, omuxunganeki Elia okwa ehena ko ndele ta ti: “Omwene, Kalunga kaAbraham, Isak naJakob, nena eli liholola kutya oove Kalunga wa kala muIsrael, naame omupiya woye ndele oinima aishe ei nde i ninga pandjovo yoye.

2 EEHAMBA 2:14

Nokwa kufa elwakani laElia le mu wa, ndele ta denge nalo omeva ndele ta ti: “Omwene Kalunga kaElia oku li peni?” Ye eshi a denga momeva, oo a tukuka kombinga nombinga, ndele Elisa okwa tauluka.

NEHEMIA 1:11

Akutu Omwene, okutwi kwoye naku ude hano eindilo lovapiya voye ovo va hala okutila edina loye! Ndele nena eli pa omupiya woye elao, u mu pe onghenda komesho yomulumenhu ou.” Osheshi ame nda li omupindili wohamba.

NEHEMIA 2:4

Opo nee ohamba tai pula nge: “Ove wa hala shike hano?” Ndele ame nda indila Kalunga komeulu

OMAPSALOME 118:25

Akutu, Omwene, tu xupifa! Akutu, Omwene, tu pa elao!

OMAPSALOME 122:6

Haleleni Jerusalem ombili! “Ava ve ku hole, nava kale nepunapalo.

OMAPSALOME 127:1

Omwene, ngeenge haye omudikifi weumbo, ovadiki valo otava kendabala oshimha. Omwene ngeenge ita amene oshilando, omunangeli ota kelele oshimha.

OMAPSALOME 37:5

Ondjila yoye i tula meke lOmwene, u mu lineekele; Oye note shi ningi,

EXODUS 3:15

Opo nee Kalunga okwa lombwela vali Moses ta ti: “Odo u noku di shiivifila Ovaisraeli: ‘Omwene Kalunga kooxo, Kalunga kaAbraham naKalunga kaIsak naKalunga kaJakob okwa tuma nge kunye.’ Olo edina lange fiyo alushe nalo Ame handi ifanwa kepupi fiyo okepupi.

EXODUS 3:6

Ye ta ti vali: “Aame Kalunga kooxo, Kalunga kaAbraham, Kalunga kaIsak naKalunga kaJakob.” Opo nee Moses okwa uvika oshipala shaye, osheshi okwa tila okutala Kalunga.

OMAYELETUMBULO 3:6

Mu shiiva meendjila doye adishe, opo nee Ye ota ka lalakanifa omalila oye.

MATEUS 22:32

‘Aame Kalunga kaAbraham naKalunga kaIsak naKalunga kaJakob?’ Kalunga Oye ke fi Kalunga koonakufya,

OVAFILIPPI 4:6

Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo,