GENESIS 22:9 - Ombibeli Iyapuki

⁹ Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

GENESIS 22:9 ပူးပေါင်းရင်းမြစ်များ

GENESIS 12:7

Opo nee Omwene okwe lihololela Abram ndele ta ti: “Edu eli handi ke li yandja koludalo loye.” Opo nee ye a tungila Omwene oaltari, ou e mu lihololela.

GENESIS 12:8

Ndele okwa fikama ndele ta ehene keemhunda dokoushilo waBetel ndele ta ongo onhanda pokati kaBetel mouninginino naAi moushilo, oko a tungila Omwene oaltari ndele ta ifana edina laYe.

GENESIS 13:18

Opo nee Abram okwa ehena komesho neefaila daye nokwa tula moshuundungila shomuMamre, popepi naHebron. Ndele oko a ka tungila Omwene oaltari.

GENESIS 22:10

Opo nee Abraham okwa nana eke laye ndele ta kufa omukonda a dipae omona waye.

GENESIS 22:8

Ndele Abraham okwa nyamukula ta ti: “Kalunga ote ke limonena odi yexwikiloyambo, mumwange.” Osho ngaha vo vavali va enda pamwe.

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

1 EEHAMBA 18:33

Nokwa tula ko oikuni koshiyambelo, nde ta shashaula ongobe yomhedi moinhimbu, nokwa tula ombelela kombada yoikuni. Nde ta ti: “Yadifeni oiyuma ine omeva, mu a tile keyambo nokoikuni.” Ndele osho va ninga.

OMAPSALOME 118:27

Kalunga Oye Omwene, Oye e tu pa ouyelele. Omayambo oshivilo a mangeni neengodi a hange oaltari fiyo okeembinga dayo!

MATEUS 27:2

Ndele ove mu manga, ndele ve mu twala ko, ndele tave mu yandje momake aPilatus, omupangeli woshilongo.

MARKUS 15:1

Hano eshi tuu kwa ka sha, ovapristeli ovakulunhu novakulunhu novanongo vomishangwa, oshiongalele ashishe shovakulunhu osha tokola, ndele vo ova mangifa Jesus, ndele tave mu twala, ve ke mu yandje kuPilatus.

OILONGA YOVAYAPOSTOLI 8:32

Ndele onhele ei yomomishangwa a lesha oyei: “Oye ta ka twalwa koshidipaelo ngaashi odi nongaashi odjona hai limwenenene omukululi wayo, hano osho ngaha naye yo ita makula okanya kaye.

OVAGALATI 3:13

Kristus okwe tu kulila mefingo lomhango, eshi a ninga omufingwa omolwetu, osheshi pa shangwa: “Keshe ou ta endjelele momuti, oye a fingwa,”

OVAEFESO 5:2

nye mu kale nokweenda mohole ngaashi Kristus kwa li e mu hole nokwe liyandja molwetu oshali, eyambo, edimba liwa, la hokiwa kuKalunga.

OVAHEBERI 9:28

osho tuu naKristus yo, eshi a yandjelwe lumwe aluke eyambo a kufe po omatimba avahapu, ta ka holoka olutivali ehe netimba kwaava have mu teelele, va mone exupifo.

JAKOB 2:21

Abraham, tate yetu, ina yukipalifwa koilonga, eshi a yamba omona waye Isak koaltari?

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.