GENESIS 22:2 - Ombibeli Iyapuki

² Opo Ye ta ti: “Kufa Isak, omona woye ewifa, ou u mu hole, ndele inda kedu laMoria. Ndee oko to ke mu yamba exwikiloyambo komhunda oyo Ame handi ke ku ulikila.”

GENESIS 22:2 ပူးပေါင်းရင်းမြစ်များ

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

GENESIS 21:12

Ndele Kalunga okwa lombwela Abraham: “Ino ninga omwenyo mwii molwomona nomolwomupika woye. Pwilikina Sara mwaashishe eshi te ku lombwele. Osheshi muIsak omo tamu ka dja ovo tava lukwa oludalo loye.

GENESIS 21:3

Ndele okaana okamati aka Sara e mu dalela, Abraham okwe ka luka Isak.

GENESIS 22:12

Ndele ye ta ti: “Eke loye ino li kumifa omumwoye, ino mu ninga sha. Osheshi paife ame ndi shi shii kutya oho tila Kalunga, no ino anyena nge omumwoye ewifa.”

GENESIS 22:16

ndele ta ti: “ ‘Ame ohandi lianene mwaame mwene,’ Omwene ta ti, ‘ove eshi we shi ninga, no ino anyena nge omumwoye ewifa,

GENESIS 22:3

Opo nee Abraham a meneka ongula inene ndele ta mange ondongi yaye, ndele ta kufa pamwe naye ovapiya vavali nomona waye Isak. Ndele ye okwa panda oikuni yexwikiloyambo nokwa fikama ndele ta i konhele oyo a ulikilwa kuKalunga.

GENESIS 22:9

Eshi va fika ponhele oyo Kalunga e va ulikila, Abraham okwa tunga po oaltari ndele ta tula ko oikuni. Opo nee ye a manga omona waye Isak nokwe mu kaleka koaltari kombada yoikuni.

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

2 EEHAMBA 3:27

Opo nee ya kufa omona wayo omumati, oshiveli shayo, ou kwa li e nokuninga ohamba konima yayo, ndele ye mu yambela kohotekuma. Opo nee ehandu linene la hanga Israel, onghee va dja ko, ndele va shuna koshilongo shavo.

2 OMAFIMBO 3:1

Ndele Salomo okwa hovela okutunga ongulu yOmwene muJerusalem komhunda yaMoria, oko Ye e lihololela xe David, monhele ya longekidwa kuDavid, yomoshipale shOmujebusi Ornan.

MIKA 6:7

Omwene ota ka hokwa mbela eedi omayovi nomilonga domaadi omayovi omilongo? Ndi yandje ngeno oshiveli shange omolwomatauluko ange, oshiimati sholutu lange ndi shi yandjele omatimba omwenyo wange?

JOHANNES 3:16

Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele aha kane, ndelenee a kale e nomwenyo waalushe.

OVAROMA 5:8

Ndelenee Kalunga okwe tu hololela ohole yaye oku tu hola, Kristus eshi e tu fila fimbo twa li natango ovalunde.

OVAROMA 8:32

Oye ou ina xupifa Omona waye mwene, ndele okwe mu yandja omolwetu atushe, a kale ngahelipi hano ite tu pe aishe pamwe naye?

OVAHEBERI 11:17

Meitavelo Abraham okwa yandja Isak eyambo eshi a yelekwa kuKalunga. Abraham tuu ou a pewa omaudaneko kuKalunga; nande ongaho okwa yandja ewifa laye Isak eyambo.

OVATOKOLIPANGELI 11:31

opo nee keshe ou ta piti mo monhu yeumbo tete, ame ngeenge handi aluka nombili kovana vaAmmoni, ta ka ninga wOmwene, ndele ame ohandi ke mu yamba exwikiloyambo.”

OVATOKOLIPANGELI 11:39

Ndele eehani mbali eshi da pita po, ye okwa aluka kuxe, ndele ye okwa wanifila muye eudaneko laye. Ndele ye ina monafana nomulumenhu. Ndele muIsrael mwa li onghedi