GENESIS 21:1 - Ombibeli Iyapuki

¹ Ndele Omwene okwa talela po Sara, ngaashi e mu udanekela. Ndele Omwene okwa ninga ngaashi a popile.

GENESIS 21:1 ပူးပေါင်းရင်းမြစ်များ

GENESIS 17:16

Ndele Ame ohandi ke mu nangeka noupuna, ndele handi ku pe muye okaana okamati. Heeno, Ame ohandi ke mu nangeka noupuna, opo ye a ka ninge oiwana, neehamba doiwana tadi ka dja muye.”

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

GENESIS 17:21

Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.”

GENESIS 18:10

Ndele Ye ta ti: “Ame ohandi ke uya vali kwoove moudwaali, nohandi ka hanga Sara, omwalikadi woye, e na okaana okamati.” Ndele Sara okwa li ta pwilikine poshivelo shetwali konima yaye.

GENESIS 18:14

Ope na tuu sha tashi nyenge Kalunga? Pefimbo tuu eli momudo tau uya, Ame ohandi ka aluka, ndele ohandi hange Sara e na okaana okamati.”

GENESIS 24:36

Ndele Sara, omwalikadi womwene wange okwa dalela omwene wange omona omumati moukulupe waye. Ndele omwene wange okwe mu pa ashishe osho e kwete.

GENESIS 50:24

Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.”

2 EEHAMBA 4:17

Nomwalikadi a ninga oufimba nokwa dala okaana okamati mefimbo tuu olo lomudo, ngaashi Elisa e mu lombwela.

OMAPSALOME 106:4

Omwene, dimbulukwe nge molwefilonghenda eli ho ningile oshiwana shoye. Talele nge po nekwafo loye.

OMAPSALOME 12:6

Eendjovo dOmwene odo eendjovo da yela, da fa oshisiliveli tashi kungulukile poshi shi yela tashi vilima, sha yelifwa luheyali.

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

EXODUS 3:16

Inda ko u shivile ko ovakulunhu vOvaisraeli noku va lombwela: ‘Omwene, Kalunga kooxo okwe liholola kwaame, Kalunga kaAbraham, kaIsak nokaJakob.’ ” Ndele okwa tya: “Oshili Ame ohandi mu pashukile noku mu kalela noshisho nokutala eshi tashi mu ningilwa muEgipiti.

EXODUS 4:31

Novanhu va itavela. Ndele vo eshi va uda nokutya, Omwene okwa dimbulukwa Ovaisraeli nokwa mona oudjuu wavo, vo ove linyongamena nokutwa oipala yavo poshi.

MATEUS 24:35

Eulu nedu otali xulu po, ndele eendjovo dange kadi na apa tadi xulu po.

LUKAS 1:68

“Omwene Kalunga kaIsrael na fimanekwe, osheshi e uya okutala oshiwana shaye, ndele okwe shi longela ekulilo,

LUKAS 19:44

ndele tave ku ngumauna po fiyo okomikangha, novamwoye vomwoove, vo itava fii po emanya la londekwa kulikwao, osheshi ove ino koneka efimbo lekongo loye.”

OVAGALATI 4:23

Ndelenee omona womupika a dalwa pambelela ndelenee oo womudalwa okeenghono deudaneko.

OVAGALATI 4:28

Ndelenee ovamwatate nye, onye ovana veudaneko ongaashi Isak.

TITUS 1:2

opateelelo lomwenyo waalushe, ou wa udanekwa kuKalunga iha fufya, nalenale efimbo manga inali hovela,

RUT 1:6

Ye okwa fikama pamwe noitenya yaye nokwa dja mo medu laMoab, osheshi okwa li a uda medu laMoab nokutya, Omwene okwa dimbulukwa oshiwana shaye noku shi pa omungome.

1 SAMUEL 1:19

Vo eshi ve liungaana ongula inene ndele va ilikana koshipala shOmwene, vo ova shuna ndele tave uya meumbo lavo muRama. Elkana a nangala nomwalikadi waye Hanna, nOmwene okwe mu dimbulukwa.

1 SAMUEL 2:21

NOmwene okwa dimbulukwa Hanna, onghee ye a ninga oufimba nokwa dala natango ovana vatatu oulume novana vavali oukadona. Nomumati Samuel okwa kula pOmwene.