GENESIS 20:7 - Ombibeli Iyapuki

⁷ Shunifa hano paife omwalikadi womulumenhu ou, osheshi ye omuxunganeki. Ndele ye ote ke ku ilikanena ove u kale nomwenyo. Ndelenee ove ngeenge ito mu shunifa, kala u shi shii, oto ka fya shili, ove mwene novakweni aveshe.”

GENESIS 20:7 ပူးပေါင်းရင်းမြစ်များ

GENESIS 12:15

Omalenga aFarao nao okwe mu mona nokwe mu pandela puFarao. Omwalikadi okwa twalwa mouhamba waFarao.

GENESIS 12:17

Ndele Omwene okwa etela Farao nouhamba waye oiponga idjuu molwaSarai, omwalikadi waAbram.

GENESIS 2:17

ndelenee omuti wokushiiva ouwa nowii, ino u lya. Osheshi efiku tuu olo to u li, ou na okufya shili.”

GENESIS 20:18

Osheshi Omwene okwa fitikile oshidalelo keshe meumbo laAbimelek molwaSara, omwalikadi waAbraham.

GENESIS 20:3

Ndelenee oufiku tuu oo Kalunga okwe uya kuAbimelek mondjodi ndele ta ti kuye: “Tala, ove to ka fya molwomwalikadi ou wa eta omu, osheshi ye omwalikadi omuhombolwa.”

GENESIS 20:8

Abimelek okwa penduka ongula inene, ndele ta ifana ovapiya vaye aveshe ndele oshinima ashishe te shi hepaululile momatwi avo. Opo nee ovalumenhu va tila unene.

GENESIS 23:6

“Tu pwilikina, omwene wetu! Ove elenga laKalunga mokati ketu. Paka omufi woye monhele yeembila iwa i dule adishe edi tu kwete. Kape na ou mokati ketu te ku anyene onhele yeembila u pake mo omufi woye.”

2 SAMUEL 24:17

David eshi a mona nhumbi omweengeli ta dipaa ovanhu, ye okwa lombwela Omwene ndele ta ti: “Tala, ame nda nyona, naame nda ninga osho inashi yuka, ndelenee eedi odo oda ninga shike? Eke loye nali denge nge nepata lange yo.”

1 EEHAMBA 13:6

Opo nee ohamba ya hovela okulombwela omulumenhu waKalunga, tai ti: “Handukululifa Omwene, Kalunga koye, u indilile nge onghenda, opo ndi dule okwaalula okwooko kwange.” Nomulumenhu waKalunga okwa handukululifa Omwene, nohamba ya dula okwaalula okwooko kwayo ndele kwa li ngaashi shito.

2 EEHAMBA 5:11

Ndelenee Naeman okwa handuka unene ndele ta di po ndele ta ti: “Taleni, ame nda diladila: ye te uya shili kwaame pondje, ndele ta kala ofika nokwiifana edina lOmwene Kalunga kaye, ndele ta ingaanifa eke laye kwaame ndele ta kufa po oudu oshilundu.

1 OMAFIMBO 16:22

“Inamu kuma nande ovavaekwa vange, nye inamu hepeka ovaxunganeki vange.”

2 OMAFIMBO 30:18

Osheshi vahapu unene vomovanhu va dja muEfraim nomuManasse, muIsaskar nomuSebulon, inave liyapula, ndele va lya odi yaPaasa hapanghedi yayo. Ndelenee Hiskia okwe va ilikanena ndele ta ti: “Omwene muwa na kufile po

JOB 34:19

Oye iha popile ovakulunhu voshilongo ndele ita tula omukengeli komesho yomukwanaluhepo, osheshi vo aveshe oshilonga shomake aye.

JOB 42:8

Kufeni hano paife eengobe heyali deemhedi needi heyali deemhedi, mu ka ye komupiya wange Job nye mu twale exwikiloyambo leni, omupiya wange Job ne mu ilikanene. Osheshi molwaye aeke, opo ndi ninge osho e shi hokwa, itandi mu handukile noku mu fifa ohoni, osheshi nye inamu popya nge eendjovo da yuka ngaashi omupiya wange Job.”

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

EXODUS 18:17

Ndelenee xemweno yaMoses okwe mu lombwela ta ti: “Onghedi ei ove ho longifa, inai wapala.

EXODUS 4:16

Ndele ye e nokupopya novanhu ponhele yoye, noye ota ka ninga okanya koye naave to ningi kalunga kuye.

EXODUS 7:1

Ndele Omwene okwa lombwela Moses ta ti: “Tala, Ame ohandi ku tula po ngaashi kalunga kuFarao, nomumwanyoko Aron ota ka kala omuxunganeki woye.

JEREMIA 14:11

Ndele Omwene okwa lombwela nge vali: “Ino ilikanena ovanhu ava va xupifwe.

JEREMIA 15:1

Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

JEREMIA 27:18

Ndelenee ovo ngeenge ovaxunganeki nongeenge ve neendjovo dOmwene, nava ilikane Omwene womatanga ovakwaita, oiyuma ei ya fyaala motembeli yOmwene nomouhamba wohamba yaJuda nomuJerusalem, nayo yo iha twalwe kuBabilon.

HESEKIEL 3:18

Ame ngeenge handi lombwele omuhenakalunga nokutya, u nokufya shili, ito mu londwele ndele ito popi u kumaide omuhenakalunga omolwondjila yaye youhenakalunga, opo a xupife omwenyo waye, nena omuhenakalunga ta ka fila moulunde waye, ndelenee ohonde yaye ohandi ke i pula meke loye.

HESEKIEL 33:8

Ame ngeenge handi ti komuhenakalunga: Akutu omuhenakalunga, oshilielela, u nokufya, ndele ove ito popifa omuhenakalunga oku mu londwela, opo nee ye, omuhenakalunga, ota ka fya molwetimba laye, ndelenee ohonde yaye ohandi i pula meke loye.

LEVITIKUS 6:4

ye ngeenge ta nyono nokulimona oushima, e nokwaalula eshi e shi nyeka ile a likola mokufininika ile osho e shi pewa e shi tuvikile ile oinima ya kana ye e i toola,

LEVITIKUS 6:7

Opo nee omupristeli e noku mu kwatakanifa koshipala shOmwene, ndele enyono tali mu diminwa po, nakeshe eshi omunhu a ninga musho a pewa oushima.”

OILONGA YOVAYAPOSTOLI 8:24

Opo nee Simon okwa nyamukula ta ti: “Ilikanenei nge kOmwene, oshinima eshi mwe shi popya shiha hange nge nande okanini.”

1 OVAKORINTO 14:4

Ou ta popi omalaka ote litungu ye mwene, ndele ou ta xunganeke ota tungu eongalo.

OVAHEBERI 1:1

Kalunga eshi kwa li a popifa mefimbo lonale ootate luhapu nopaenghedi di lili nodi lili movaxunganeki,

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

1 JOHANNES 5:16

Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.

1 SAMUEL 12:19

Onghee hano ovanhu aveshe va lombwela Samuel: Indila kOmwene Kalunga koye molwovapiya voye tuha fye, shaashi komanyonauno aeshe etu twa weda ko vali owii ou eshi twe lihalela ohamba.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.

1 SAMUEL 7:5

Samuel ta ti vali: “Shivileni Ovaisraeli aveshe kuMispa, opo nee ame ohandi ke mu indilila kOmwene.”

1 SAMUEL 7:8

Novana vaIsrael va lombwela Samuel: Ino dimbuka oku tu indilila kOmwene Kalunga ketu, opo Ye e tu xupife mo momake Ovafilisti.