GENESIS 20:5 - Ombibeli Iyapuki

⁵ Haye mwene a lombwela nge nokutya, ye omumwaina? Ye naye mwene okwa tile: ‘Ou omumwameme omulumenhu.’ Opauyuki wokomutima wange nopaukoshoki womake ange nde shi ninga.”

GENESIS 20:5 ပူးပေါင်းရင်းမြစ်များ

GENESIS 12:13

Hano tya, ove omumwameme, opo ndi kale nawa molwoye, ame ndi dule okukala nomwenyo molwoye.”

GENESIS 20:13

Ndele Kalunga eshi a kufa nge meumbo latate nokwa tula nge mokweendaenda, ame onde mu lombwela, handi ti: ‘File nge onghenda; keshe apa hatu i, ou na okutya, ove omumwameme.’ ”

GENESIS 20:16

Ndele okwa lombwela Sara ta ti: “Onda pa omumwanyoko omulumenhu oimaliwa oisiliveli eyovi limwe. Tala, yo nai ninge oiwapalekifo momesho akeshe ou e li pamwe naave, opo ove u talwe omuyuki.”

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

1 OMAFIMBO 29:17

Kalunga kange, ame ndi shi shii, Ove ho panapana omutima, ndele wa hokwa ouyuki. Nomwenyo wa yuka nda yandja oinima aishe ei nehalo liwa. Ndele paife nda tala nehafo nhumbi ovanhu voye, ava ve li po, va yandja kwoove nehalo liwa.

JOB 33:9

‘Aame omukoshoki, inandi tauluka, ndihe noshipo, mwaame kamu nombedi.

OMAPSALOME 24:4

Oyou e nomake inaa nyata owii, noku na omutima wa yela, noiha ameke nande omwenyo waye koungaho, noiha fufya mokwaana kwaye.

OMAPSALOME 25:21

Oukoshoki noukalinawa nau amene nge, osheshi Omwene, Oove, nda teelela.

OMAPSALOME 26:6

Omake ange ohandi a kosho ehe na mbudi, nonda hala okudingilila oaltari yoye, Omwene,

OMAPSALOME 7:8

Omwene ota tokola oiwana. Omwene, yukifile nge pauyuki wange nopaukoshoki wange.

OMAPSALOME 7:9

Xulifa oumbudi wovakolokoshi, Ove pameka ofika yovayuki voye, Oove omukonakoni womitima noweefiyo, Kalunga omuyuki.

OMAPSALOME 73:13

Akutu, inashi kwafa sha nande, eshi nda lungamena oukoshoki womutima wange, naashi nda kosha omake ange mouyuki.

OMAPSALOME 78:72

Oye tuu okwa li te va lifa nomutima wa yukilila, ndele te va kwatele komesho neke lounghulungu.

OMAYELETUMBULO 11:3

Ovayuki tava endifwa kouhenashipo wavo, ndelenee ovaliteeki tava hanaunwa po koipupulu yavo.

OMAYELETUMBULO 20:7

Omuyuki ha ende ehe noshipo, ovana vaye tave mu shikula vo ovanelao.

DANIEL 6:22

Kalunga kange okwa tuma omweengeli waye, ndele ta kwata omilungu deenghoshi diha kume nge, osheshi onda monika koshipala shaye ndihe netimba, nokoshipala shoye yo, ohamba, inandi nyona sha.”

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

1 OVATESSALONIKI 2:10

Onye naKalunga eendobwedi, nhumbi twa kala mouyapuki nomouyuki ndele tuhe noshipo mokati keni nye ovaitaveli,

1 TIMOTEUS 1:13

ame ou nda li nale omusheki nomutaataai nomuhepeki. Ndele onda filwa onghenda, osheshi ame nde shi ningile mokuhashiiva sha nomokuhaitavela.

JOSUA 22:22

“Kalunga koikalunga, Omwene, heeno, Kalunga koikalunga, Omwene, Ye e shi shii! NaIsrael yo na kale e shi shii! Fye ngeenge twa twa ondubo ile twe liteeka Omwene, Omwene ino tu kwafa nena eli,