GENESIS 2:8 - Ombibeli Iyapuki

⁸ Omwene Kalunga okwa twika oshikunino muEden, moushilo, omo Ye a yandja onhele, komunhu ou a ma.

GENESIS 2:8 ပူးပေါင်းရင်းမြစ်များ

GENESIS 13:10

Opo nee Lot okwa yelula omesho aye ndele ta mono kutya olufilu alishe lokuJordan oli na omeva mahapu. Pefimbo opo Omwene ina hanauna po manga Sodom naGomorra, lo la li kombinga yaSoar ngaashi oshikunino shOmwene, ngaashi edu laEgipiti.

GENESIS 3:23

Opo nee Omwene Kalunga okwe mu taataa mo moshikunino shomuEden a ka longe edu omu a kufilwe.

GENESIS 3:24

Osho hano Ye a taataa omunhu ndele ta tula ovakerubi koushilo woshikunino shaEden, ve na omaongamukonda a xwama omundilo taa taima vo va kelele omhito yokuya komuti womwenyo.

GENESIS 4:16

Opo nee Kain okwa dja ko koshipala shOmwene ndele ta ka tula medu laNod koushilo waEden.

2 EEHAMBA 19:12

Oikalunga yoiwana oyo ya hanaunwa po kutate, oye i xupifa ngeno, Gosan naHaran naResef novana vaEden sha li muTelassar?

JESAJA 51:3

Osheshi Omwene ota hekeleke Sion ndele ta hekeleke omakulukuma aeshe asho, ombuwa yasho ote i shitukifa ngaashi Eden nofuka yasho oshikunino shOmwene; omo hamu kala enyakuko nehafo, ehambelelo noshihomo shomaimbilo.

HESEKIEL 27:23

Haran naKanne naEden novalandifi vomuSheba, Assur naKilmad mwa landakanifa navo.

HESEKIEL 28:13

Ove wa li muEden, moshikunino shaKalunga. Omamanya oulenga a li oshituviko shoye: Karneli, topas, nayaspis, krisolit, oniks, sardoniks, safir, karbonkel nasmaragidi. Noshingoldo sha li oikwatekifo yoye nomashangelo oye oulenga, ei ya longekidwa mefiku tuu olo ove wa shitwa.

HESEKIEL 31:16

Omolweweelelo lewo laye, Ame nda kakamifa oiwana, Ame eshi nde mu kulukifila moshovafi pamwe naavenya va kulukilile mo. Nomiti adishe domuEden, omiti da hoololwa nodiwa domuLibanon, adishe hadi nu omeva, ode lihekeleka moule womedu.

HESEKIEL 31:18

Pa kala tuu ngeno mokati komiti domuEden nande umwe u fike pwoove metumbalo nomewapalo? Nande ongaho ove u nokweekelwa moule womedu pamwe nomiti domuEden. Ove u nokunangala mokati kaava inava pita etanda pamwe naava va dipawa keongamukonda. Osho Farao neemhunga daye adishe tadi ka ningwa, Omwene Kalunga ta ti.”

JOEL 2:3

Komesho yasho otaku ende omundilo tau lungwinifa, ndele konima yasho omutemo tau xwike. Ngaashi epya laEden, edu la kala koshipala shasho, ndelenee konima yasho edu ombuwa yongaho. Ndele kape na umwe ta xupu po.