GENESIS 2:25 - Ombibeli Iyapuki

²⁵ Ndele vo aveshe vavali ova li hamunghele, omulumenhu nomukainhu waye, ndele vo inava fya ohoni nande.

GENESIS 2:25 ပူးပေါင်းရင်းမြစ်များ

GENESIS 3:7

Opo nee omesho avo aveshe vavali a pashuka, ndele vo ove liwete ve li hamunghele. Ndele vo ova hondjela kumwe omafo omukwiyu, ndele tave liningile omateta.

OMAPSALOME 25:3

Heeno, nande umwe ou te ku teelele, ita ka fifwa ohoni. Ovaamuki epwanga aveke tava ka fifwa ohoni.

OMAPSALOME 31:17

Omwene, ino efa nge ndi lengaifwe, Oove handi ifana. Ava vehe na ko nasha naave, ovo nava lengaifwe, ndele eshi va tomhwa, nava ye moshovafi!

EXODUS 32:25

Moses eshi a mona ovanhu va ninga ovahaduliki komapukululo, osheshi Aron okwe va efela okuhadulika kwavo, oko kwa hafifa ovatondadi vavo.

JESAJA 44:9

Ovahongi vomafanohongwa aveshe ovongaho, noiholike yavo kai na oshilonga; neendobwedi davo kadi wete ko, noinadi shiiva sha, nosho ngaha tava fifwa ohoni.

JESAJA 47:3

Uvukulula ohoni yoye, heeno, noukainhu woye tau ka monika. Ame ohandi ka xwenena, ndele ihandi ka fila nande omunhu onghenda.

JESAJA 54:4

Ino kala wa tila, osheshi ito ka fifwa ohoni; ino tila nande okulengwa, osheshi ito ka fifwa ohoni; ino tila nande okulengwa, osheshi ito ka kwatwa kelungi. Osheshi odino yomounyasha woye oto ke i dimbwa, okudinwa kwoufiyekadi woye ito ku dimbulukwa vali.

JEREMIA 17:13

Eteelelo laIsrael Oove Omwene, aveshe ava tave ku liteeka otava ka fifwa ohoni. Heeno, aveshe ve liteeka nge otava shangelwa mondwi yedu, osheshi vo ova efa ofifiya yomeva omanamwenyo, Omwene mwene.

JEREMIA 6:15

Vo otava ka fifwa ohoni, shaashi ova longa oixuna, voovene inava shiiva okufya ohoni, vehe neudito lohoni, onghee ove nokufila pamwe noonakudipawa. Pomafiku enya nge handi va handukile, otava ka xutuka, Omwene osho ta ti.

HESEKIEL 16:61

Opo nee ove oto ka dimbulukwa eendjila doye nokufya ohoni, ngeenge ove ho tambula ovamwanyoko ovakainhu ovakulu voye neendenge doye, ndele Ame ohandi ve ku pe ngaashi ovana oukadona. Nande ihandi shi ningi meenghono dehangano letu naave.

JOEL 2:26

Opo nye tamu ka lya nawa, ndele tamu kuta nokuhambelela edina lOmwene Kalunga keni, Oye ou, e mu longela oikumwifa. Noshiwana shange itashi ka fifwa vali ohoni fiyo alushe.

MARKUS 8:38

Osheshi ou ta fi ohoni molwange nomolweendjovo dange mokati kepupi eli lovanyoni vohombo noloulunde, naye tuu ou nOmona wOmunhu ote ke mu fya ohoni, eshi te uya moshinge shaXe pamwe novaengeli vayapuki.”

LUKAS 9:26

Osheshi ou ta fi nge ohoni neendjovo dange, Omona wOmunhu ote mu fi ohoni, eshi te uya moshinge shaye noshaXe noshovaengeli vayapuki.

OVAROMA 10:11

Osheshi omushangwa otau ti: “Keshe ou te mu itavele, ita ka fifwa ohoni.”