GENESIS 2:2 - Ombibeli Iyapuki

² Ndele Kalunga okwa xulifa mefiku etiheyali oshilonga shaye eshi a longa, ndele okwa tulumukwa mefiku etiheyali koilonga yaye aishe Ye e i longa.

GENESIS 2:2 ပူးပေါင်းရင်းမြစ်များ

GENESIS 1:31

Opo nee Kalunga okwa tala aishe ei a ninga, ndele yo oya li ya wapala unene. Ndele opa ningwa onguloshi nongula, efiku etihamano.

GENESIS 2:3

Ndele Kalunga okwa nangeka noupuna efiku etiheyali nokwe li yapula, shaashi Ye omo a tulumukwa koilonga yaye aishe e i shita noku i ninga.

EXODUS 23:12

“Omafiku ahamano ove u nokulonga oilonga yoye, ndelenee mefiku etiheyali u nokutulumukwa, opo ongobe yoye nondongi yoye i shiive okufuda po nomona womupika woye omukainhu nomunailongo a shiive okutulumukwa po.

EXODUS 31:15

Oilonga nai longwe momafiku ahamano, ndelenee efiku etiheyali olo efiku letulumuko la wana, lo la yapulilwa Omwene. Keshe umwe ta longo oilonga mefiku lEshabata e nokufya shili.

EXODUS 31:17

Pokati ketu novana vaIsrael lo edidiliko laalushe. Osheshi momafiku ahamano Omwene okwa shita eulu nedu, ndelenee mefiku etiheyali Ye okwa tulumukwa koilonga yaye.’ ”

JESAJA 58:13

Ngeno oto kelele eemhadi doye okunyona efiku lEshabata, uha longe oilonga yoye mefiku lange liyapuki, ndele ngeenge to ifana Eshabata olo efiku lehafo, ndele efiku liyapuki lOmwene ove to li fimaneke, ndele to li fimaneke, uha longe oyiikililwalonga, ndele ito kondjele oinima yoye ndele ito popi eendjovo dongaho.

JOHANNES 5:17

Ndelenee Jesus okwe va nyamukula: “Tate ta longo fiyo opaife, naame yo handi longo.”

DEUTERONOMION 5:14

ndelenee efiku etiheyali olo Ongodji yOmwene Kalunga koye, opo nee inamu longa sha, oove mwene ile omona woye omumati ile omona woye okakadona ile omupiya woye omulumenhu ile omupiya woye omukainhu ile ongobe yoye nondongi yoye ile oshinamwenyo shoye ile omweenda e li peenhu doye. Opo omupiya woye omulumenhu nomukainhu va shiive okutulumukwa ngaashi ove mwene.

OVAHEBERI 4:10

Osheshi ou a ya metulumuko laye, oye ta tulumukwa yo koilonga yaye ngaashi Kalunga kuyaye mwene.

OVAHEBERI 4:4

Osheshi monhele imwe okwa tonga efiku etiheyali ta ti: “Efiku etiheyali Kalunga okwa tulumukwa koilonga yaye aishe,”