GENESIS 2:1 - Ombibeli Iyapuki

¹ Osho ngaha eulu nedu nomangafifi alo a xulifwa a pwa.

GENESIS 2:1 ပူးပေါင်းရင်းမြစ်များ

GENESIS 1:1

Pehovelo Kalunga okwa shita eulu nedu.

GENESIS 1:10

Ndele Kalunga okwa luka oukukutu “edu”, ndele okwoongala kwomeva okwe ku luka “efuta”. Opo nee Kalunga e shi tala, sha wapala.

GENESIS 2:4

Eshi omahepu taa hepaulula eulu nedu eshi la shitwa. Mefiku olo Omwene Kalunga a ninga eulu nedu,

2 EEHAMBA 19:15

Ndele Hiskia okwa indila koshipala shOmwene ndele ta ti: “Omwene, Kalunga kaIsrael, Ove ho kala omutumba kovakerubi, Oove auke Kalunga koilongo aishe yokombada yedu. Ove wa shita eulu nedu!

2 OMAFIMBO 2:12

Hiram okwa tya vali: “Omwene Kalunga kaIsrael, ou a ninga eulu nedu, na hambelelwe, eshi a yandja kohamba David omona omulumenhu omunongo, ou e nomayele neendunge a tungile Omwene otembeli ndele a tungile ouhamba waye ongulu.

NEHEMIA 9:6

Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

JOB 12:9

Oshilipipo shomuyo aishe itashi shiiva ngeno nokutya, eke lOmwene le shi ninga,

OMAPSALOME 104:2

Oove ou, ho liuvikile nouyelele wa fa omudjalo, nowa valela eulu ngaashi ofaila,

OMAPSALOME 146:6

ou omushiti weulu nedu, nomeva efuta naashishe eshi shi li mo, ou omudiinini fiyo alushe,

OMAPSALOME 33:6

Eulu ola shitifwa ondjovo yOmwene, neengudi dalo adishe okomhepo yokanya kaye.

OMAPSALOME 33:9

Osheshi Ye okwa popya, ndele sha ningwa, okwa lombwela, ndele osha monika.

EXODUS 20:11

Osheshi momafiku ahamano Omwene okwa shita eulu nedu, nefuta naaishe i li mo, ndele mefiku etiheyali Ye okwa tulumukwa. Onghee hano Omwene okwa nangeka noupuna efiku lEshabata nokwe li yapula.

EXODUS 31:17

Pokati ketu novana vaIsrael lo edidiliko laalushe. Osheshi momafiku ahamano Omwene okwa shita eulu nedu, ndelenee mefiku etiheyali Ye okwa tulumukwa koilonga yaye.’ ”

JESAJA 34:4

Nomatanga ovakwaita vomeulu otaa loloka, neulu otali tonywa ngaashi omushangwatonywa, nomatanga alo aeshe otaa ngumuka po, ngaashi omafo omuviinyu taa yaumuka nongaashi omukwiyu tau u omangongwa ao.

JESAJA 42:5

Omwene Kalunga, ou a shita omaulu noe a nyanununa, ou a ninga ongonga yedu naashi tashi mene mo, ou a yandja koshiwana shokombada yalo omufudo, naava hava ende kombada yalo okwe va pa omhepo, Ye osho ta ti:

JESAJA 45:12

Ame nda shita edu nonda shitila omunhu kombada yedu. Aame, omake ange okwa valela eulu neengudu dalo adishe, Ame nde di ifana.

JESAJA 45:18

Osheshi Omwene ou a shita omaulu osho ta ti: “Aame Omwene, nokape na vali umwe.” Oye Kalunga, ou a ma edu ndele te li wapaleke; okwe li pameka, Ye ine li shita li kale ombuwa, ndelenee okwe li ma li kalwe.

JESAJA 48:13

Eke lange ola dika edu neke lange lokolulyo ola valela omaulu; ngeenge handi i ifana, opo tai uya po aishe.

JESAJA 55:9

Ngaashi eulu li li pombada li dule edu, osho yo eendjila dange di dule deni, nomadiladilo ange e dule omadiladilo eni.

JESAJA 65:17

Osheshi tala, Ame ohandi shiti omaulu mape nedu lipe. Inya yonale itai dimbulukiwa vali, nongaashi kape na ou te i diladila momutima waye.

JEREMIA 10:12

Oye tuu ou a shita edu neenghono daye mwene, nounyuni e u pameka nounongo waye. Neulu okwe li valela komayele aye.

JEREMIA 10:16

Ndele oshipewa shaJakob inashi fa oyo, osheshi Oye Omushiti wakeshe shimwe, naIsrael oye epata lefyuululo laye, edina laye Omwene womatanga ovakwaita.

JEREMIA 8:2

ndele taa ka nyanekwa koshipala shetango nokoshipala shohani nokoshipala shongudu aishe yomeulu (eenyofi) va li ve i hole nove i longela, ndele ve i shikula ndele tave i kongo ndele tave i linyongamene. Omakipa oo itaa ongelwa vali noitaa pakwa vali, otaa ningi oushosho womedu.

SAKARIA 12:1

Exunganeko, ondjovo yOmwene tai popi Israel. Omwene ou a yala eulu, okwa dika edu ndele a shita omhepo yomunhu meni laye, ota ti:

LUKAS 2:13

Ndelenee ohaluka, pomweengeli opa holoka ongudu inene yovakwaita vomeulu, ova hambelela Kalunga tava ti:

OILONGA YOVAYAPOSTOLI 4:24

Ndele moku shi uda vo aveshe ova twala ondaka yavo pombada kuKalunga ngaashi omunhu umwe, tava ti: “Omwene, Oove wa shita eulu nedu nefuta nakeshe eshi shi li mo.

OILONGA YOVAYAPOSTOLI 7:42

Ndelenee Kalunga okwe va pilamena ndele okwe va efa va longele ongudu yovakwaita vomeulu, ngaashi momishangwa dovaxunganeki mwa tiwa: ‘Onye vomeumbo laIsrael, mwa etela nge tuu mbela omayambo omatomeno nomaxwikilo makwao omido dinya omilongo nhee mombuwa?

DEUTERONOMION 17:3

ndele ta i okulongela oikalunga imwe noku i linyongamena, ile etango ile ohani ile ongudu aishe yokeulu, Ame inandi shi tonga,

DEUTERONOMION 4:19

Ove uha yelule omesho oye keulu, ove ngeenge to mono etango nohani neenyofi, eengudu adishe dokeulu, uha pukifwe u linyongamene kudo noku di longela, oinima Omwene Kalunga koye okwe i tukulila oiwana aishe koshi yeulu alishe.

OVAHEBERI 4:3

Osheshi fye ava twa itavela, ohatu i metulumuko, ngaashi Oye ta ti: “Mehandu lange onda ana: ‘Ovo itava fiki metulumuko lange,’ ” nande oilonga yaye ya pwa nghee tuu okeshito lounyuni.